హైదరాబాద్‌లో సంచలనం సృష్టిస్తన్న డ్రగ్స్ కేసులో కొన్ని పేర్లే లీక్ కావడం వివాదాస్పదమవుతోంది. నిజానికి ఆర్జీవీ సహా అనేక మంది ప్రమఖులతో కేపీ చౌదరి దిగిన ఫోటోలు వైరల్ అవుతున్నాయి. కానీ అషూరెడ్డి, జ్యోతి వంటి వారితో పాటు పెద్దగా ఇంకా వెలుగులోకి రాని వారి పేర్లు రిమాండ్ రిపోర్టులో చూపించారు. ఇద్దరు ప్రముఖ హీరోయిన్లు.. మరికొంత మంది ప్రముఖుల పిల్లలు అంటూ లీకులు ఇస్తున్నారు. అషూరెడ్డి, జ్యోతి తమకు కేపీ చౌదరి తెలుసు కానీ.. డ్రగ్స్ తో సంబంధం లేదని చెబుతున్నారు. వీరిద్దరూ గతంలో ఆర్జీవీతో వేసిన వేషాలు చూస్తే.. ఏదో తేడాగా ఉందే అని అనుకోక తప్పదు.
ఇప్పుడు కేపీ చౌదరి ఫోన్ లిస్టులో ఉన్న వారందర్నీ.. ఆయనతో ఫోటోలు దిగిన వారందర్నీ.. అనుమానితులు అన్నట్లుగా కొంత మంది సెలక్టివ్ పేర్లను మీడియాకు లీక్ చేస్తున్నారు. ఈ వ్యవహారం కుట్ర పూరితంగా సాగుతోందన్న అనుమానాలు టాలీవుడ్ లో వ్యక్తమవుతున్నాయి. గత ఎన్నికలకు ముందు కూడా ఓ సారి డ్రగ్స్ కేసు తెరపైకి వచ్చింది. ఆ తర్వాత సద్దుమణిగిపోయింది. అప్పట్లోనూ చాలా మంది పేర్లను విస్తృతంగా ప్రచారంలోకి తెచ్చారు. ఇప్పుడు కూడా అలాగే జరుగుతోంది. మరో ఐదారు నెలల్లో ఎన్నికలు జరగనున్న సమయంలో ఈ డ్రగ్స్ కేసు పైకి రావడం రాజకీయవర్గాల్లోనూ సంచలనం అవుతోంది.
ఇప్పటి వరకూ ఇలాంటి డ్రగ్స్ కేసులు ఎన్ని బయటకు వచ్చాయో లెక్క లేదు. కానీ ఒక్క టంటే ఒక్క దాంట్లోనూ నిజాలు బయటకు రాలేదు. అంతా హడావుడి చేసి అసలు ఎలాంటి ఆధారాలు లేవని కేసులు మూసేశారు. చివరికి ఈడీ దర్యాప్తు చేస్తామన్నా సహకరించని పరిస్థితి ఏర్పడింది. ఈ కేసులో ఏమవుతుందో కానీ.. కాల్ లిస్టులోఉన్నాయని చెప్పి కొంత మంది పేర్లను వైరల్ చేస్తున్నారు. వారిని మానసిక వేదనకు గురి చే్సతున్నారు.
