ప్ర‌స్తుతం చందూ మొండేటి ద‌ర్శ‌క‌త్వంలో ‘తండేల్‌’ అనే సినిమా తెర‌కెక్కుతున్న సంగతి తెలిసిందే. గీతా ఆర్ట్స్ ఈ చిత్రాన్ని నిర్మిస్తోంది. డిసెంబ‌రు, లేదా సంక్రాంతికి ఈ చిత్రాన్ని విడుద‌ల చేస్తారు. ‘తండేల్‌’ త‌ర‌వాత చందూ సినిమా ఏమిటి? ఎవ‌రితో? అనే విష‌యాల‌పై ఇప్పుడిప్పుడే ఓ క్లారిటీ వ‌స్తోంది. ఈసారి కూడా గీతా ఆర్ట్స్ లోనే సినిమా చేయ‌బోతున్నాడట చందూ. అయితే.. ఇప్పుడు ఓ బాలీవుడ్ స్టార్ తో ఆయ‌న జ‌త క‌ట్ట‌బోతున్నారు. చందూ ద‌గ్గ‌ర ఓ పిరియాడిక‌ల్ డ్రామా ఉంది. దాన్ని బాలీవుడ్ లో ఓ పెద్ద హీరోతో చేయాల‌న్న‌ది గీతా ఆర్ట్స్ ప్లాన్. బ‌డ్జెట్ కూడా భారీగానే అవ్వ‌బోతోంద‌ని తెలుస్తోంది. ‘తండేల్‌’ అవ్వ‌గానే చందూ ఈ ప్రాజెక్ట్ ప‌నిలో ప‌డిపోతార‌ని తెలుస్తోంది. గీతా ఆర్ట్స్ తో పాటుగా ఓ బాలీవుడ్ నిర్మాణ సంస్థ ఈ ప్రాజెక్ట్‌లో భాగం పంచుకోనుంద‌ని ఇన్ సైడ్ వ‌ర్గాల టాక్‌. త్వ‌ర‌లోనే ఈ సినిమాకు సంబంధించిన డిటైల్స్ బ‌య‌టకు వస్తాయి.
గీతా ఆర్ట్స్ ఈమ‌ధ్య భారీ చిత్రాల‌పై దృష్టి సారించ‌డం లేదు. చిన్న, మీడియం సైజు సినిమాల‌పై ఫోక‌స్ చేసింది. జీఏ 2 సంస్థ ఈ మీడియం సైజు సినిమాల వ్య‌వ‌హారాలు చూసుకొంటోంది. అయితే గీతా ఆర్ట్స్ ఇప్పుడు మళ్లీ యాక్టీవ్ అవ్వ‌బోతోంది. ‘తండేల్‌’ నుంచి మళ్లీ రూటు మార్చింది. నాగ‌చైత‌న్య కెరీర్‌లోనే ‘తండేల్‌’ భారీ బ‌డ్జెట్ సినిమా. ఇప్పుడు చందూ మొండేటితో ఓ బాలీవుడ్ ప్రాజెక్ట్ ప్లాన్ చేసింది. దాంతో పాటు బాల‌కృష్ణ‌తో ఓ సినిమా చేయ‌డానికి రంగం సిద్ధం చేస్తోంది. అల్లు అర్జున్ – త్రివిక్రమ్ కాంబోలో ఓ సినిమా త్వ‌ర‌లోనే ప‌ట్టాలెక్క‌బోతోంది. ఇందులో గీతా ఆర్ట్స్ భాగ‌స్వామి. ఈ లిస్టు చూస్తుంటే, ఇక మీద‌ట… గీతా ఆర్ట్స్ నుంచి వ‌రుస‌గా పెద్ద సినిమాలే రాబోతున్నాయ‌న్న ధీమా క‌నిపిస్తోంది.
