ఏపీ సీఎంగా చంద్రబాబు ఈ నెల 9వ తేదీన ప్రమాణ స్వీకారం చేయనున్నారు. ఈమేరకు అమరావతిలో ప్రమాణస్వీకారం చేసేందుకు ఏర్పాట్లు కూడా మొదలయ్యాయి.
ముఖ్యమంత్రిగా ప్రమాణస్వీకారం చేసిన తర్వాత చంద్రబాబు మొదటి సంతకం ఏ ఫైల్ పై చేస్తారనే చర్చ జరుగుతోంది. ఎన్నికల ప్రచార సమయంలో టీడీపీ అధికారంలోకి వస్తే డీఎస్సీపై మొదటి సంతకం చేస్తానని బాబు హామీ ఇచ్చారు.
ఈ క్రమంలోనే జగ్గంపేటలో ఓ ఆడబిడ్డ తనకు పెన్ ఇచ్చిందని, కూటమి అధికారంలోకి రాగానే ఆ పెన్నుతోనే డీఎస్సీ ఫైల్ పై తొలి సంతకం చేయాలని ఆమె కోరినట్లుగా చంద్రబాబు అప్పట్లో తెలిపారు.
తాజాగా వెలువడిన ఏపీ ఎన్నికల ఫలితాల్లో టీడీపీ చారిత్రాత్మక విజయం సాధించింది. దీంతో చంద్రబాబు సీఎంగా ప్రమాణస్వీకారం చేసిన తర్వాత హామీ ఇచ్చినట్లుగా డీఎస్సీ ఫైల్ పైనే మొదటి సంతకం చేస్తారని కూటమి నేతలు భావిస్తున్నారు.
