తెలుగులోనే కాదు, విడుద‌లైన అన్ని భాష‌ల్లోనూ సంచ‌ల‌నం సృష్టించింది చంద్ర‌ముఖి. హార‌ర్ క‌థా చిత్రాల‌కు ఆ విజ‌య‌మే ఊత‌మిచ్చింది. ఇప్పుడు చంద్ర‌ముఖి 2 సెట్స్‌పైకి వెళ్ల‌బోతోంది. చంద్ర‌ముఖిని అందించిన పి.వాసు ఈ చిత్రానికి ద‌ర్శ‌కుడు. అయితే చంద్ర‌ముఖి క‌థ‌కూ, దీనికీ ఎలాంటి సంబంధం లేదు. పి.వాసు క‌న్న‌డ‌లో తెరకెక్కించిన శివ‌లింగ చిత్రాన్ని తమిళం, తెలుగు భాష‌ల్లో రీమేక్ చేయ‌బోతున్నారు. ఆ చిత్రానికి చంద్ర‌ముఖి 2 అనే పేరు ఫిక్స్ చేశారు.
ఇందులో అనుష్క క‌థానాయ‌కిగా న‌టిస్తోందని టాక్‌. ఆమె పాత్ర చుట్టూనే సినిమా అంతా తిరుగుతుంద‌ట. లారెన్స్ మ‌రో పాత్ర‌లో క‌నిపిస్తార‌ని తెలుస్తోంది. చంద్ర‌ముఖి త‌ర‌వాత ద‌క్షిణాదిన విజ‌యాలు అందుకోలేక‌పోయారు వాసు. వెంక‌టేష్‌తో తీసిన నాగ‌వ‌ల్లి కూడా ఫ్లాప్ అయ్యింది. ఈనేప‌థ్యంలో శివ‌లింగ‌తో క‌న్న‌డ‌లో భారీ విజ‌యాన్ని సాధించారు. ఆ రీమేక్‌తో మ‌రోసారి తెలుగు, త‌మిళ ప్రేక్ష‌కుల్ని ఆక‌ట్టుకోవాల‌ని ఆయ‌న రంగంలోకి దిగుతున్నారు. ఈ యేడాది చివ‌ర్లో ఈ రీమేక్ ప‌ట్టాలెక్కే ఛాన్సుంది.
