ఐతే, అనుకోకుండా ఒకరోజు, ఒక్కడున్నాడు, సాహసం ఇలా తీసిన ప్రతి సినిమా రెగ్యులర్ సినిమాలకు భిన్నంగా తెలుగు ప్రేక్షకులకు సరికొత్త అనుభూతిని కలిగించే లా తనకంటూ ఒక సెపరేట్ ఇమేజ్ ని ఏర్పాటు చేసుకున్నాడు దర్శకుడు చంద్రశేఖర్ ఏలేటి. ఏలేటి సినిమాల్లో విలక్షణత కొట్టొచ్చినట్టు కనపడుతుంది. మూస థోరణిలో కొట్టుకుపోతున్న తెలుగు సినిమాలకు ఒక కొత్త దిశా నిర్దేశం చూపించే ప్రయత్నంగా ఏలేటి సినిమాలు ఉండటం విశేషం. చంద్రశేఖర్ ఏలేటి సినిమా అంటే యూత్ లో మంచి ఫాలోయింగ్ ఉంది.
ఈసారి ఈ దర్శకుడు మరో ప్రస్థానానికి నాంధి పలికాడు. మలయాళ సూపర్ స్టార్ మోహన్ లాల్, ఒకప్పటి సౌత్ స్టార్ హీరోయిన్ గౌతమీ లీడ్ రోల్స్ గా ఓ సినిమాను డైరెక్ట్ చేస్తున్నాడు ఏలేటి. ‘మహిమ’ అనే టైటిల్ తో రాబోతున్న ఈ సినిమా అన్ని సౌత్ భాషల్లో రిలీజ్ అవుతుంది. ఇదే సినిమాను కన్నడలో శివ రాజ్ కుమార్ హీరోగా ఒకేసారి తెరకెక్కుతుంది. మొన్నటిదాకా తెలుగు సినిమాలతో అలరించిన ఈ దర్శకుడు ఇప్పుడు ఏకంగా మలయాళ సూపర్ స్టార్ నే మెప్పించే కథ రెడీ చేశాడంటే ఆ మహిమ నిజంగానే గొప్పదని చెప్పొచ్చు.
ప్రస్తుతం ట్రెండ్ సెట్ చేస్తున్న ఈ సినిమా ఎలా ఉండబోతుంది.. అసలే ఏ బేస్ మీద చంద్ర శేఖర్ ఏలేటి ఈ సినిమా తీయబోతున్నాడా అని ఈగర్ గా వెయిట్ చేస్తున్నారు సౌత్ సిని లవర్స్. మహిమగా రాబోతున్న చంద్రశేఖర్ ఏలేటి సినిమా ఎన్ని సంచలనాలను క్రియేట్ చేస్తుందో సినిమా వస్తేనే గాని చెప్పలేం.
