బడ్జెట్ సమస్యలు, నిర్మాణ పరమైన ఇబ్బందులు వున్న సినిమాలు పీపుల్ మీడియా సంస్థని ఆశ్రయిస్తున్నాయి. ఒక ఫ్యాక్టరీ మోడల్ లో సినిమాలని నిర్మించాలనే లక్ష్యంతో పని చేస్తున్న నిర్మాత టీజీ విశ్వ ప్రసాద్ కూడా కొంచెం ప్రామెసింగ్ కాంబినేషన్ లో ఏ సినిమా వచ్చినా టేకాప్ చేస్తున్నారు. ఇప్పుడు మరో సినిమా ఆయన చేతిలోకి వెళ్ళింది. గోపీచంద్ శ్రీను వైట్ల కాంబినేషన్ లో ఓ సినిమా సెట్స్ పై వుంది. వేణు దోనేపూడి ఈ సినిమాకి నిర్మాత. ఇప్పటికే కొంత షూటింగ్ జరిగింది. అయితే నిర్మాణంలో ఏవో సమస్యలు. దీంతో ఈ సినిమా పీపుల్ మీడియా చెంతకు చేరుతుందని ఎప్పటినుంచో వార్తలు వినిపించాయి. ఇప్పుడీ కొలాబరేషన్ అఫీషియల్ గా ఖారారైయింది. నిర్మాత టీజీ విశ్వప్రసాద్ ఈ సినిమాకి నిర్మాణ భాగస్వామిగా చేరారు. ఆయన రావడంతో ఇక సినిమా నిర్మాణం, ప్రమోషన్స్, విడుదల విషయంలో సమస్యలు తీరినట్లే. అటు గోపిచంద్ తో పాటు శ్రీనువైట్లకి చాలా కీలకమైన సినిమా ఇది. ఈ సినిమాతో ఫామ్ లోకి రావడం ఇద్దరికీ అత్యవసరం. శ్రీనువైట్ల ఆస్థాన రచయిత గోపిమోహన్ ఈ సినిమాకి స్క్రీన్ ప్లే రైటర్.