ఎన్టీఆర్ బ‌యోపిక్ లో ఓ కీల‌క‌మార్పు జ‌ర‌గ‌బోతోంది. ఏఎన్నార్ పాత్ర చేతులు మారుతోంది. అక్కినేని పాత్ర‌లో నాగ‌చైత‌న్య క‌నిపిస్తాడ‌ని జోరుగా ప్ర‌చారం జ‌రుగుతోంది. ‘మ‌హాన‌టి’లో అక్కినేనిగా చైతూ అల‌రించాడు. అందుకే ఆ పాత్ర‌కు తాను త‌ప్ప ఇంకెవ్వ‌రూ స‌రిపోర‌ని అక్కినేని అభిమానుల గ‌ట్టి న‌మ్మ‌కం. అయితే ఇప్పుడు ఈ పాత్ర‌లో చైతూ స్థానంలో సుమంత్ క‌నిపించే ఛాన్సుంద‌ని తెలుస్తోంది. ‘మ‌హాన‌టి’లో చైతూ ఇప్ప‌టికే ఏఎన్నార్ పాత్ర పోషించాడు కాబ‌ట్టి… మళ్లీ అదే పాత్ర త‌న‌తో చేయించ‌డం అంత క‌రెక్ట్ కాద‌ని క్రిష్ భావిస్తున్నాడ‌ట‌. చేస్తే గీస్తే ఆ పాత్ర‌ని నాగార్జ‌న‌తో చేయించాల‌ని లేదంటే మ‌రో ఆప్ష‌న్‌ని ఎంచుకోవాల‌ని అనుకుంటున్నార్ట‌. అందుకే… మ‌రో ప్ర‌త్యామ్నాయంగా సుమంత్‌తో చ‌ర్చ‌లు జ‌రుపుతున్నార‌ని, సుమంత్ ఈ పాత్ర పోషించ‌డానికి ఒప్పుకున్నాడ‌ని తెలుస్తోంది. సుమంత్ పోలిక‌ల్లో కాస్త ఏఎన్నార్‌ని త‌ల‌పిస్తాడు. పైగా తాత‌య్య‌తో సుమంత్ కి అనుబంధం ఎక్కువ‌. సో.. చైతూ స్థానంలో సుమంత్ క‌నిపించినా అక్కినేని అభిమానుల‌కు పెద్ద లోటు క‌నిపించ‌దు.