ప్రస్తుతం టాలీవుడ్ లక్కీ గాళ్ ఎవరంటే..? ఇంకెవరు రకుల్ ప్రీత్ సింగ్ అనేస్తారేమో.. చిన్న సినిమాలతో మొదలైన ప్రస్థానం కాస్త, పెద్ద సినిమాల చాన్స్ కొట్టే దాకా కొనసాగింది. అయితే పెద్ద హీరోలతో ఒక్క హిట్ కూడా కొట్టట్లేదు అని అనుకునేసరికి ‘నాన్నకు ప్రేమతో’తో ఆ మాట కూడా రాకుండా చేసుకుంది. ప్రస్తుతం రకుల్ అంటే సూపర్ క్రేజ్.. అది ప్రేక్షకులకే కాదు దర్శక నిర్మాతలకు కూడా.. అందుకే దర్శక నిర్మాతలు ఆమె కోసం క్యూ కడుతున్నారు.
ప్రస్తుతం హవా కొనసాగిస్తున్న రకుల్ ఇప్పుడు మరో క్రేజీ ఆఫర్ వచ్చిందని టాక్. చాలా రోజులుగా తని ఒరువన్ తెలుగు రీమేక్ గా వస్తున్న చరణ్ సినిమాలో కథానాయిక ఫైనల్ కాలేదని వార్తలు వింటున్నవే.. అయితే ఇప్పుడు ఆ సినిమాలో రకుల్ ని ప్రిఫర్ చేస్తున్నాడట రాం చరణ్. వీరిద్దరు చేసిన బ్రూస్ లీ ఫ్లాప్ అయినా సరే నాన్నకు ప్రేమతో హిట్ కు రకుల్ గ్లామర్ కూడా తోడైందని నమ్ముతూ ఆమెను తీసుకోవాలని నిర్ణయించారట.
ప్రి ప్రొడక్షన్ వర్క్ కంప్లీట్ చేసుకున్న ఈ సినిమా త్వరలో మొదలవనుంది. గీతా ఆర్ట్స్ బ్యానర్ లో అల్లు అరవింద్ నిర్మిస్తున్న ఈ సినిమాను సురేందర్ రెడ్డి దర్శకత్వం వహిస్తున్నాడు. థమన్ మ్యూజిక్ అందిస్తున్న ఈ సినిమాకు రక్షక్ అనే టైటిల్ పరిశీలణలో ఉంది.
