రామ్ చరణ్ కి సుకుమార్ షాక్ ఇవ్వడం ఏంటని మీకు సందేహం కలుగవచ్చు. నిజంగానే సుకుమార్ ఇచ్చిన స్క్రీన్ ప్లే షాక్ కు చెర్రి కన్ ఫ్యూజ్ అవుతున్నాడన్నది లేటెస్ట్ న్యూస్. సుకుమార్ దర్శకత్వంలో యంగ్ టైగర్ ఎన్.టి.ఆర్ నాన్నకు ప్రేమతో అంటూ నిన్న ప్రేక్షకుల ముందుకు వచ్చి సక్సెస్ టాక్ సొంతం చేసుకున్నాడు. అయితే ఇందులో సుకుమార్ తన మార్క్ దర్శకత్వ ప్రతిభను చాటుకుని ప్రసంశలు పొద్నుతున్నాడు.
ముఖ్యంగా సినిమాలో విలన్ ని టాన్స్ మిషన్స్ ద్వారా మిస్ గైడ్ చేసే సన్నివేశాలు హైలెట్ గా నిలిచాయి. సుకుమార్ ఇంటెలెక్చువల్ పవర్ కు నాన్నకు ప్రేమతో ఓ బెస్ట్ ఎక్సాంపుల్. అయితే ఇదే తరహాలో లాస్ట్ ఇయర్ తమిళ్ బ్లాక్ బస్టర్ తని ఒరువన్ కూడా ఉండటం చెర్రికి ఏం చేయాలో తోచని పరిస్థితి అయ్యింది. తెలుగు తని ఒరువన్ రీమేక్ గా వస్తున్న రక్షక్ సినిమా చేయబోతున్న చరణ్ కు నాన్నకు ప్రేమతో కాస్త ఇబ్బంది పెట్టేలానే ఉంది.
తని ఒరువన్ సినిమాలో కూడా ఇలాంటి సన్నివేశాలు ఉన్నాయట. అయితే సుకుమార్ దాన్ని చూసి స్పూర్తి చెందాడో లేక తనకు అలాంటి ఆలోచన వచ్చిందో తెలియదు కాని ప్రస్తుతం తెలుగులో రీమేక్ అవ్వబోతున్న చరణ్ కు కొత్త సమస్యని ముందుంచాడు సుకుమార్. సురేందర్ రెడ్డి దర్శకత్వం వహిస్తున్న ఈ సినిమా త్వరలో షూటింగ్ స్టార్ట్ చేసుకోబోతుంది.
