స‌రైనోడుతో కొట్టిన హిట్ కంటే, ఆ ఆడియో ఫంక్ష‌న్‌లో `చెప్ప‌ను బ్ర‌ద‌ర్‌` అంటూ ప‌వ‌న్ అభిమానుల్ని హ‌ర్ట్ చేయ‌డం ద్వారానే బ‌న్నీ వార్త‌ల్లో నిలిచాడు. ఈమ‌ధ్య బ‌న్నీ పేరు ఎప్పుడు ప్ర‌స్తావ‌న‌కు వ‌చ్చినా.. ఆ డైలాగ్ గురించీ మాట్లాడుకోవ‌డం కామ‌న్ అయిపోయింది. ‘చెప్ప‌ను బ్ర‌ద‌ర్‌’ అని ఎందుకు చెప్పాల్సి వ‌చ్చిందో, ప‌బ్లిక్ ఫంక్ష‌న్‌లోనే క్లియ‌ర్ క‌ట్‌గా చెప్పేసినా.. బ‌న్నీని ఆ డైలాగ్ వ‌ద‌ల‌డం లేదు. ఇప్పుడు ఆ డైలాగ్‌ని ప‌ట్టుకొని కావ‌ల్సినంత కామెడీ పిండుకొంటున్నారు సినీ జ‌నాలు.

మొన్న‌టికి మొన్న సెల్ఫీరాజాలో చెప్ప‌ను బ్ర‌ద‌ర్ అనే డైలాగ్ మ‌ళ్లీ వినిపించారు. ఇప్పుడు ఏకంగా ఈ డైలాగ్ ని సినిమా టైటిల్‌గా వాడేయ‌డానికి రెడీ అయ్యారు. ఫిల్మ్ ఛాంబ‌ర్‌లో ‘చెప్ప‌ను బ్ర‌ద‌ర్‌’ అనే టైటిల్ రిజిస్ట‌ర్ అయ్యింది. నిర్మాత ఎవ‌రు, హీరో ఏంటి? అనే విష‌యాలు తెలియ‌క‌పోయినా… ఇది బ‌న్నీపై కౌంట‌ర్ ఇవ్వ‌డానికి చేస్తున్న ప్ర‌య‌త్న‌మ‌న్న‌ది చూచాయిగా అర్థ‌మవుతోంది. ఈ సినిమా తీస్తారో లేదో తెలీదుగానీ… ఈ డైలాగ్ ఎంత పాపుల‌ర్ అయ్యిందో చెప్ప‌డానికి ఇదే అత్యుత్త‌మ నిద‌ర్శ‌నం. ఆ సినిమా వ‌స్తే.. అది ఇంకో సంచ‌ల‌నం అవుతుంది.