సోష‌ల్ మీడియాలో అడుగు పెట్టిన‌ప్ప‌టి నుంచీ చిరంజీవి య‌మ యాక్టీవ్‌గా ఉంటున్నాడు. ఈమ‌ధ్య కాలంలో సోష‌ల్ మీడియాని ఇంత బీభ‌త్సంగా వాడుకుని, ఎప్ప‌టిక‌ప్పుడు మీడియాకు `న్యూస్‌`లు అందిస్తున్న సెల‌బ్రెటీ చిరంజీవినే నేమో.
‘బీ ది రియ‌ల్ మేన్‌’ పేరిట స‌వాళ్లు విసురుకునే కార్య‌క్ర‌మం ఒక‌టి జోరుగా సాగుతోంది. సందీప్ రెడ్డి వంగా నుంచి – రాజ‌మౌళి – ఆయ‌న్నుంచి ఎన్టీఆర్ ఈ ఛాలెంజులు స్వీక‌రించారు. ఎన్టీఆర్ నామినేట్ చేసిన‌వాళ్ల‌లో చిరంజీవి ఒక‌రు. చిరు ఈ ఛాలెంజ్‌ని స్వీక‌రిస్తున్న‌ట్టు ట్విట్ట‌ర్‌లో ప్ర‌క‌టించారు. అదీ.. త‌న‌దైన స్టైల్‌లో. `ఛాలెంజ్` సినిమా పోస్ట‌రుని ఆయ‌న త‌న ట్విట్ట‌ర్‌లో పోస్ట్ చేసి – త‌న స‌మ‌య‌స్ఫూర్తిని చాటుకున్నారు. ఛాలెంజ్ స్వీక‌రించాను. నీ పార్ట‌న‌ర్ రామ్ చ‌ర‌ణ్ వీడియో కోసం కూడా ఎదురుచూస్తున్నా.. అంటూ ట్వీట్ చేశారు చిరు. రాజ‌మౌళి ఛాలెంజ్ చేసిన‌వాళ్ల‌లో రామ్ చ‌ర‌ణ్ ఒక‌డు. రామ్ చ‌ర‌ణ్ ఇంకా ఇంటి ప‌నులు చేస్తూ వీడియో పోస్ట్ చేయ‌లేదు. సో.. త‌న‌యుడి హోం వ‌ర్కింగ్ స్టైల్ ఎలా ఉంటుందో చూడాల‌ని చిరు కూడా ఆరాట‌ప‌డుతున్నాడ‌న్న‌మాట. మ‌రి చిరు ఎవ‌రికి ఛాలెంజ్ విసురుతాడో? ప‌వ‌న్ క‌ల్యాణ్‌కి విసిరితే.. చూసి త‌రిద్దామ‌ని మెగా ఫ్యాన్స్ ఆస‌క్తిగా ఎదురు చూస్తున్నారు. చూడాలి మ‌రి.
