చిరంజీవి నుంచి వ‌స్తున్న కొత్త సినిమా `విశ్వంభ‌ర‌`. త్రిష క‌థానాయిక‌గా న‌టిస్తున్న ఈ చిత్రానికి ‘బింబిసార‌’ ఫేమ్ వ‌శిష్ట ద‌ర్శ‌కుడు. ప్ర‌స్తుతం హైద‌రాబాద్ లో శ‌ర‌వేగంగా షూటింగ్ జ‌రుపుకొంటోంది. అన్న‌పూర్ణ స్టూడియోలో రూపొందించిన ప్ర‌త్యేక‌మైన సెట్ లో కీల‌క స‌న్నివేశాల్ని తెర‌కెక్కిస్తున్నారు. ఈ క‌థ‌లో ఏలియ‌న్ సెట‌ప్ కూడా ఉంద‌ట‌. వాటికి సంబంధించిన చిత్రీక‌ర‌ణే ప్ర‌స్తుతం జ‌రుగుతోంద‌ని టాక్.

ఇదో ఫాంట‌సీ క‌థ‌. ‘విశ్వంభ‌ర‌’ అనే కొత్త లోకాన్ని వెదుక్కొంటూ హీరో చేసే ప్ర‌యాణ‌మే ఇతివృత్తం. అందుకోసం హీరో అన్ని లోకాల్నీ ట‌చ్ చేసుకొంటూ వెళ్తాడ‌ని, అందులో భాగంగానే ఏలియ‌న్ల‌నీ చూపించ‌బోతున్నార‌ని స‌మాచారం. ఏలియ‌న్ ఎపిసోడ్ ఈ సినిమాకు ప్ర‌త్యేక ఆక‌ర్ష‌ణ‌గా నిల‌వ‌బోతోంద‌ని, అక్క‌డ చిరు చేసే కామెడీ ఈ చిత్రానికి మ‌రో హైలెట్ అని ఇన్ సైడ్ వ‌ర్గాలు చెబుతున్నాయి. ఏలియ‌న్ సెట‌ప్ ని తెలుగు సినిమాల్లో ఇంత వ‌ర‌కూ ఎవ‌రూ చూపించ‌లేదు. ఈ ఎలిమెంట్ ని ‘విశ్వంభ‌ర‌’ బాగా వాడుకొనే అవ‌కాశం ఉంది. దాదాపు 80 శాతం షూటింగ్ పూర్త‌య్యింది. జ‌న‌వ‌రి 10న ఈ చిత్రాన్ని ప్రేక్ష‌కుల ముందుకు తీసుకొస్తారు. ఆగ‌స్టు నుంచి పోస్ట్ ప్రొడ‌క్ష‌న్ కార్య‌క్ర‌మాలకు శ్రీ‌కారం చుట్ట‌నున్నారు. ఎం.ఎం.కీర‌వాణి సంగీతాన్ని అందిస్తున్న ఈ చిత్రాన్ని యూవీ క్రియేష‌న్స్ రూపొందిస్తున్న సంగతి తెలిసిందే.