2019 చిరంజీవికి గుర్తు పెట్టుకునే యేడాదే. త‌న క‌ల‌ల సినిమా `సైరా`ని అభిమానుల‌కు చూపించ‌గలిగాడు. ఆర్థిక విజ‌యాన్ని ప‌క్క‌న పెడితే, చిరు త‌న చిర‌కాల కోరిక‌ని ఈ యేడాది తీర్చుకున్నాడు. ఇప్పుడు 2020 కోసం స‌న్న‌ద్ధం అవుతున్నాడు. 2020 తొలి రోజునే అభిమానుల‌కు ఓ కానుక ఇవ్వాల‌ని భావిస్తున్నాడు. చిరంజీవి – కొర‌టాల శివ కాంబినేష‌న్‌లో ఓ చిత్రం రూపుదిద్దుకుంటున్న సంగ‌తి తెలిసిందే. జ‌న‌వ‌రి 3 నుంచి షూటింగ్ ప్రారంభం కానుంది. ఓ పాట‌తో ఈ చిత్రానికి శ్రీ‌కారం చుట్ట‌బోతున్న‌ట్టు తెలుస్తోంది. ఇప్ప‌టికే చిరుపై ఓ ఫొటో షూట్ పూర్తి చేసింది చిత్ర‌బృందం. అదే లుక్ తో ఈ సినిమాలో క‌నిపించ‌బోతున్నాడు చిరు. ఆ లుక్ ని డిసెంబ‌రు 31 అర్థ‌రాత్రి రివీల్ చేయాల‌ని చిరు భావిస్తున్నాడు. వీలైతే టైటిల్ కూడా అదే రోజు ప్ర‌క‌టించాల‌ని చూస్తున్నాడు. ఇటీవ‌ల మ‌ణిశర్మ బ్యాంకాక్ వెళ్లి, ట్యూన్స్ పూర్తి చేసుకొచ్చారు. అందులో రెండు పాట‌ల్ని ఇప్ప‌టికే రికార్డ్ చేసిన‌ట్టు తెలుస్తోంది. ఈ చిత్రంలో క‌థానాయిక‌గా త్రిష ఎంపిక దాదాపుగా ఖాయ‌మైపోయింది.
చిరు నుంచి న్యూ ఇయ‌ర్ గిఫ్టు
