చిరంజీవి న్యూ ఇయర్ లుక్ ఇప్పుడు హాట్ టాపిక్‌గా మారింది. గ‌త కొంత‌కాలంగా ‘సైరా’ కోసం ఆయ‌న గెడ్డం పెంచుతున్నారు. ఈమ‌ధ్య సినిమా వేడుల‌కు కూడా గుబురు గ‌డ్డంతోనే వ‌చ్చారు చిరు. ఆ పాత్ర‌కు గెడ్డం కావాల్సిందే. అయితే న్యూ ఇయర్ రోజున ఆయ‌న క్లీన్ షేవ్‌తో క‌నిపించేస‌రికి.. అభిమానుల‌తో పాటు, చిత్ర‌సీమ కూడా ఆశ్చ‌ర్య‌పోతోంది. సైరా షూటింగ్ ద‌శ‌లో ఉంది. ఈ ద‌శ‌లో ఆయ‌న క్లీన్ షేవ్‌కి రావ‌డం పుకార్ల‌కు ఊతం ఇచ్చేలానే ఉంది. ‘సైరా’ షూటింగ్ మళ్లీ ఫిబ్ర‌వ‌రిలో అని చిత్ర‌బృందం చెబుతోంది. అందుకే చిరు క్లీన్ షేవ్‌లోకి వెళ్లార‌నుకోవ‌డానికి వీల్లేదు. ఎందుకంటే మళ్లీ ఆ స్థాయిలో గెడ్డం పెర‌గాలంటే చాలా స‌మ‌యం ప‌డుతుంది. `సైరా`లో మార్పులు జ‌రుగుతున్నాయ‌ని, అవ‌న్నీ ఓ కొలిక్కి వ‌చ్చేంత వ‌ర‌కూ సినిమా షూటింగ్‌ని నిలిపి వేశార‌ని, అందుకే చిరు కి గెడ్డం నుంచి విముక్తి ల‌భించింద‌ని చెప్పుకుంటున్నారు. అయితే చిత్ర‌బృందం మాత్రం పుకార్ల‌కు గ‌ట్టిగా బ‌దులు ఇస్తోంది. ‘సైరా’ లో మార్పుల్లేవు అని చెప్పుకొస్తుంది. ఈ నేప‌థ్యంలో చిరు అవ‌తారం చూస్తే… కొత్త అనుమానాలు రేకెత్త‌డం ఖాయం. గెడ్డం లేకుండా ఏమైనా స‌న్నివేశాలు ఉండ‌బోతున్నాయా? వాటి కోస‌మే చిరు ఇలా క‌నిపిస్తున్నాడా? లేదంటే ఏకంగా సినిమాని ప‌క్క‌న పెట్టేశారా? అనేవి ‘సైరా’కి సంబంధించిన లేటెస్టు డౌట్స్‌.
క్లీన్ షేవ్‌లో చిరు.. మేట‌రేంటి?
