హీరోయిన్ చిత్ర శుక్ల.. తెలుగులో మా అబ్బాయి అనే సినిమాతో ఎంట్రీ ఇచ్చిన సంగతి తెలిసిందే. పక్కింటి తెలుగు అమ్మాయి మాదిరి ఉండటంతో తెలుగులో చిత్ర శుక్లకు వరుసగా అవకాశాలు వచ్చినా ఆనుకున్న గుర్తింపు మాత్రం రాలేదు.
తెలుగులో రంగుల రాట్నం , సిలీ ఫెలోస్ , తెల్లవారితో గురువారం, పక్కా కమర్షియల్ , ఉనికి , హంట్ తదితర చిత్రాల్లో నటించింది.
మధ్యప్రదేశ్ కు చెందిన చిత్ర శుక్ల గతేడాది డిసెంబర్ లో పోలీసు ఆఫీసర్ వైభవ్ ఉపాధ్యాయ్ ను ప్రేమించి పెళ్లి చేసుకుంది. ఈ నేపథ్యంలోనే తాజాగా తాను తల్లి కాబోతున్నట్లు సోషల్ మీడియా వేదికగా తెలిపింది.
తన సీమంతం ఫోటోలు షేర్ చేసి తల్లి కాబోతున్నట్టు తెలిపింది చిత్ర శుక్ల. కుటుంబ సభ్యులు, సన్నిహితుల మధ్య సంప్రదాయబద్దంగా ఈ వేడుకను సెలబ్రేట్ చేసినట్లుగా కనిపిస్తోంది.
చిత్ర శుక్ల తన సీమంతంకు సంబంధించిన ఫోటోలను షేర్ చేయడంతో అవి వైరల్ గా మారాయి. దీంతో ఈ విషయం తెలుసుకున్న నెటిజన్లు ఆమెకు శుభాకాంక్షలు తెలుపుతున్నారు.
