ఓ హీరోయిన్ అరంగేట్రంలోనే ఫ్లాప్ మూట‌గ‌ట్టుకుందంటే… ఇక అవ‌కాశాల కోసం ఎదురుచూడ‌డం అత్యాసే. తొలి సినిమాతోనే ఐరెన్ లెగ్ ముద్ర ప‌డితే… ప‌రిశ్ర‌మ కూడా లైట్ తీసుకుంటుంది. అయితే…. చిత్ర శుక్ల‌కి మాత్రం ఫ్లాప్ త‌ర‌వాత కూడా ఓ ఆఫ‌ర్ అందింది. రంగుల‌రాట్నంతో టాలీవుడ్‌లో అడుగుపెట్టింది చిత్ర శుక్ల‌. ఆ సినిమా అట్ట‌ర్ ఫ్లాప్ అయ్యింది. దాంతో చిత్ర‌కు అదే తొలి, ఆఖ‌రి సినిమా అనుకున్నారు. ఇంత‌లోనే మ‌రో ఛాన్స్ ద‌క్కించుకుంది.

అల్లరి నరేష్, సునీల్ హీరోలుగా ఓ సినిమా తెర‌కెక్కుతోంది. భీమ‌నేని శ్రీ‌నివాస‌రావు ద‌ర్శ‌కుడు. ఈ చిత్రంలో ఇద్ద‌రు క‌థానాయిక‌ల‌కు స్థానం ఉంది. ఓ నాయిక పాత్ర నందినిరాయ్‌కి ద‌క్కింది. మ‌రో స్థానం చిత్ర శుక్ల అందుకుంది. రంగుల రాట్నం ఫ్లాప్ అయినా.. అందులో చిత్ర శుక్ల లుక్స్ ఆక‌ట్టుకోవడంతో.. ఈ ఛాన్స్ ఆమెకు ద‌క్కింద‌ని తెలుస్తోంది. త్వ‌ర‌లోనే రెగ్యుల‌ర్ షూటింగ్ మొద‌లు కాబోతోంది.