గోపీచంద్, శ్రీవాస్ ల హిట్ కాంబినేషన్. లక్ష్యం, లౌక్యం సినిమాలతో ఆకట్టుకున్నారు. ఇప్పుడు వీరి కలయికలో మూడో చిత్రంగా వస్తోంది రామబాణం. ఈ రోజు ట్రైలర్ బయటికి వచ్చింది. శ్రీవాస్ సినిమాల్లో ఫన్, రోమాన్స్, సెంటిమెంట్, మాస్ యాక్షన్ మిక్సర్ గా వుంటాయి. ‘రామబాణం’లో కూడా అదే ఫార్ములా కనిపించింది. ట్రైలర్ బిగినింగ్ లో ఫన్ చూపించి తర్వాత రోమాన్స్ యాడ్ చేసి.. సెంటిమెంట్ దిశగా యాక్షన్ వైపు మళ్ళింది ట్రైలర్.
ట్రైలర్ లో కమర్షియల్ మాస్ ఎలిమెంట్స్ పుష్కలంగా వున్నాయి. ‘ఈట్ ఫుడ్ నాట్ కెమికల్స్’ అని జగపతి బాబు చెప్పిన డైలాగ్ రామబాణం కథని సూచిస్తోంది. ఫ్యామిలీ సెంటిమెంట్ తో పాటు ఫుడ్ మాఫియా పాయింట్ ని కూడా రామబాణంలో టచ్ చేశారు. గోపీచంద్ లుక్, యాక్షన్ బావుంది. తెరపై జగపతి బాబు, ఖుష్బు, తరుణ్ అరోరా… ఇలా భారీ తారాగణం కనిపించింది.
”ప్రపంచం మారిపోయింది. ఒకప్పుడు తల దించినోడికి మర్యాద. ఇప్పుడు చెయ్యి ఎత్తినోడికే మర్యాద”
”నేను హైవేలో డేంజర్ జోన్ బోర్డ్ లాంటోడిని. వార్నింగ్ ఇచ్చిన తర్వాత కూడా స్పీడ్ తగ్గించకపొతే.. చావు మిమ్మల్ని వెదుక్కుంటూ వస్తుంది” ఇలాంటి మాస్ డైలాగులు కూడా వినిపించాయి.
మొత్తానికి మాస్ ఎలిమెంట్స్ తో రామబాణం తయారైయిందని ట్రైలర్ చెబుతుంది.
