సీనియర్ నేత హరిరామజోగయ్య మంచం మీద ఉన్నారు. ఆయన రాస్తున్నారో ఆయన తరపున ఎవరైనా రాస్తున్నారో కానీ జనసేన పార్టీని ఇబ్బంది పెట్టేలా లేఖలు బయటకు వస్తున్నాయి. వాటిని వైసీపీ సోషల్ మీడియా కుల చిచ్చు పెట్టేందుకు ఉపయోగించుకుంటోంది. వాటిని తామే రెడీ చేయిస్తున్నట్లుగా ప్రచారం చేసేసుకుంటున్నారు. ఈ వ్యవహారం జనసేన వర్గాల్లోనూ కలకలం రేపుతోంది. టీడీపీ, జనసేన కూటమి గెలిస్తే చంద్రబాబే ముఖ్యమంత్రి అవుతరని లోకేష్ చెప్పారు. చంద్రబాబు కాకుండా మరొకరు ముఖ్యమంత్రి అవుతారని ఎవరూ అనుకోరు. పవన్ కల్యాణ్ కూడా చెప్పలేదు.

ముందు పోటీ చేసిన స్థానాల్లో గెలవడం ముఖ్యమని చెబుతూ వస్తున్నారు. కానీ లోకేష్ ఇంటర్యూలో అన్న మాటల్ని వైసీపీ సోషల్ మీడియా అన్న మాటల్ని .. పట్టుకుని జోగయ్య లేఖ రాశారు. అందులో కాపు కులాన్ని పవన్ మోసం చేస్తున్నారన్నట్లుగా ఆరోపించారు. కాపు సంక్షేమసేన పేరుతో ఈ రచ్చ చేస్తున్నారు. ఆ తర్వాత ఆయన మరో లేఖ విడుదల చేశారు. తన పేరుతో సర్క్యూలేట్ అవుతున్న లేఖ నిజం కాదన్నారు. కాసేపటికి మరో లేఖ వచ్చింది. పవన్ దగ్గర నంచి స్పష్టమైన సమాధానం వచ్చిందని ఎన్నికలయ్యాకనే ముఖ్యమంత్రి ఎవరో తెలుతుందని చెప్పారన్నారు. అయితే గత ఎన్నికల్లో పదివేల ఓట్లు కన్నా ఎక్కువ తెచ్చుకున్న 60 సీట్లను జనసేన తీసుకోవాలని అయన సూచించారు.

జోగయ్య వ్యవహారం .. జనసేన పార్టీని కాపులకు మాత్రమే పరిమితం చేసేలా అదీ కూడా.. వారిపై అనుమానాల్ని పెంచి.. దూరం చేసేలా ఉండటతో జోగయ్యతో వైసీపీ నేతలు కావాలనే ఇలా చేయిస్తున్నారన్న అనుమానాలు వ్యక్తమవుతున్నాయి. జనసేన బాగు కోరేవారు ఎవరూ.. ఇలాంటి పనులు చేయరని.. రాజకీయ పరిస్థితుల గురించి తెలిసి కూడా ఎందుకు జనసేన భవిష్యత్ ను చెడగొట్టేలా చేస్తున్నారన్న ప్రశ్నలు వినిపిస్తున్నాయి.