ఈరోజు మ‌ధ్యాహ్నం 1.04 గంట‌ల‌కు బాలు మ‌ర‌ణ వార్త‌ని అధికారికంగా ప్ర‌క‌టించారు త‌న‌యుడు ఎస్‌.పి.చరణ్. దాంతో ఏ మూలనో మిణుకుమిణుకుమంటున్న ఆశ‌ల‌న్నీ ఆవిరైపోయాయి. దేశాన్ని త‌న గానంతో ఉర్రూత‌లూగించిన ఓ మ‌హాగాయ‌కుడి మ‌ర‌ణం సంగీత ప్రియుల్ని విషాద సాగ‌రంలో ముంచెత్తింది. అయితే నిజానికి బాలు నిన్న రాత్రే తుది శ్వాస విడిచార‌ని స‌మాచారం. ఈ విష‌యాన్ని డాక్ట‌ర్లు సైతం కుటుంబ స‌భ్యుల‌కు చెప్పేశార‌ని, ఆర‌కంగానే మీడియాకూ స‌మాచారం అందింద‌ని తెలుస్తోంది. అయితే… సంప్ర‌దాయాల్ని, ముహూర్తాల్నీ అమితంగా న‌మ్మే కుటుంబ స‌భ్యులు ఈరోజు మ‌ధ్యాహ్నం 1.04 నిమిషాల‌కు ఈ మ‌ర‌ణ వార్త‌ని అధికారికంగా చెప్పాల‌ని నిర్ణ‌యించుకున్నార్ట. అందుకే.. సరిగ్గా అదే స‌మ‌యానికి చరణ్ మీడియా ముందుకు వ‌చ్చారు. ఈరోజు సాయింత్ర‌మే బాలు అంత్య‌క్రియ‌లు జ‌రిగే అవ‌కాశం ఉంది. ప్ర‌స్తుతం భౌతికకాయాన్ని ఆసుప‌త్రి నుంచి పొడంబాకంలో ఉన్న ఆయ‌న స్వ‌గృహానికి త‌ర‌లించారు.
బాలు రాత్రే చ‌నిపోయారా?
