క‌రోనా రెచ్చిపోతోంది. ముఖ్యంగా… చిత్ర‌సీమ‌ని గ‌డ‌గ‌డ‌లాడిస్తోంది. మ‌హేష్‌బాబు, త‌మ‌న్‌, విశ్వ‌క్ సేన్‌, మంచు మ‌నోజ్‌, ల‌క్ష్మి, రాజేంద్ర‌ప్ర‌సాద్, త్రిష, మీనా, స‌త్య‌రాజ్‌, బండ్ల గ‌ణేష్‌.. ఇలా ఒక‌రా, ఇద్ద‌రా ఎవ‌రిని క‌దిలించినా క‌రోనానే. ఇప్ప‌డు ఎఫ్ 3 టీమ్ ని క‌రోనా గ‌డ‌గ‌డ‌లాడిస్తోంది. ఈ టీమ్ లో ఒక్క‌సారిగా 20 మంది క‌రోనా బారీన ప‌డ్డార‌ని ఇన్ సైడ్ వ‌ర్గాల టాక్‌. దాంతో… ఉన్న ఫళంగా షూటింగ్ ఆపేశారు. గ‌త రెండు రోజుల నుంచీ.. హైద‌రాబాద్ లో `ఎఫ్ 3` షూటింగ్ జ‌రుగుతోంది. ఎందుకైనా మంచిద‌ని టీమ్ స‌భ్యులంద‌రికీ ఒకేసారి క‌రోనా టెస్టులు చేయించింది చిత్ర‌బృందం. దాంతో 20 మందికి క‌రోనా అని బ‌య‌ట‌ప‌డింది. వెంట‌నే షూటింగ్ కి పేక‌ప్ చెప్పేశారు. క‌రోనా భ‌యంతోనే వెంక‌టేష్ ముందే షూటింగ్ కి డుమ్మాకొట్టార్ట. ఆయ‌న లేని స‌న్నివేశాలు తెర‌కెక్కిస్తున్న‌ప్పుడు ఈ క‌రోనా బ‌య‌ట‌ప‌డింది. ఇప్పుడు మిగిలిన షూటింగుల్లోనూ సిబ్బందికి క‌రోనా టెస్టులు మొద‌లెట్టార‌ని, ఆ రిపోర్టుల్ని బ‌ట్టి షూటింగులు కొన‌సాగించాలా, వ‌ద్దా అనే నిర్ణ‌యానికి రానున్నార‌ని స‌మాచారం.
ఎఫ్ 3 సెట్లో క‌రోనా అల‌జ‌డి
