ఐపీఎల్ లో భాగంగా ఈ రోజు కొల‌కొత్తా, ఆర్సీబీ జ‌ట్ల మ‌ధ్య జ‌రగాల్సిన మ్చాచ్ వాయిదా ప‌డింది. ఇద్ద‌రు కల‌కత్తా ఆట‌గాళ్ల‌కు క‌రోనా సోక‌డంతో… ఈ నిర్ణ‌యం తీసుకున్నారు. క‌ల‌కత్తా నైట్ రైడ‌ర్స్ కి చెందిన వ‌రుణ్‌, సందీప్ అనే ఇద్ద‌రు ఆట‌గాళ్ల‌కు క‌రోనా పాజిటీవ్ అని తేలింది. దాంతో మిగిలిన ఆట‌గాళ్ల‌నీ హోం క్వారెంటైన్‌లో ఉంచి, ప‌రీక్ష‌లు నిర్వ‌హిస్తున్నారు. ఈ కార‌ణంతోనే ఈరోజు జ‌ర‌గాల్సిన మ్యాచ్ మ‌ళ్లీ ఎప్పుడు నిర్వ‌హిస్తార‌న్న విష‌యం తేలాల్సివుంది. ఇత‌ర జ‌ట్ల‌లోని ఆట‌గాళ్లు సైతం.. క‌రోనా బారీన ప‌డుతుండ‌డంతో.. ఐపీఎల్ నిర్వ‌హ‌ణ రాను రాను క్లిష్ట‌త‌రంగా మారే ప్ర‌మాదం ఉంది. దేశ వ్యాప్తంగా లాక్ డౌన్ ఊహాగానాలు బ‌ల‌ప‌డుతున్నాయి. ఏ క్ష‌ణ‌మైనా కేంద్రం లాక్ డౌన్ గా నిర్ణ‌యం తీసుకోవ‌చ్చ‌న్న మాట‌లు వినిపిస్తున్నాయి. దాంతో ఐపీఎల్ కూడా దిన‌దిన గండం నూరేళ్ల ఆయుష్షు అన్న చందాన నిర్వ‌హించాల్సివ‌స్తోంది. క‌రోనా ఇలా విజృంభిస్తుంటే, ఆట‌గాళ్ల‌ను వేధిస్తుంటే… ఆట సాగేది కూడా అనుమాన‌మే.