క‌రోనా ఎఫెక్ట్ ఇప్పుడు మీడియాకీ పాకేసింది. ముఖ్యంగా ప్రింట్ మీడియాకు. వార్త‌ల‌న్నీ క‌రోనా చుట్టూ తిర‌గ‌డం, యాడ్లు ఆగిపోవ‌డంతో డైలీ పేప‌ర్ల పేజీల్ని కుదించ‌డం మొద‌లెట్టారు. ఈనాడు, సాక్షి, ఆంధ్ర‌జ్యోతి, న‌మ‌స్తే తెలంగాణ‌… ఇలా అన్ని పేప‌ర్లూ పేజీల సంఖ్య‌ని బాగా త‌గ్గించేశాయి. ఈరోజు ఈనాడు డైలీ 12 పేజీలకే ప‌రిమిత‌మైంది. సినిమా, క్రీడా వార్త‌ల‌కు స‌గం పేజీని మాత్ర‌మే కేటాయించారు. నిజానికి సినిమా, క్రీడా పేజీలు లేకుండానే పేప‌ర్‌ని వ‌ద‌లాల‌ని అనుకున్నారు. కానీ… యువ‌త‌రాన్ని ఆక‌ట్టుకునే ఆ రెండు పేజీలూ లేక‌పోతే.. పేప‌ర్ మ‌రీ బోసిబోతుంద‌ని స‌గం పేజీకి కుదించారు. ప‌రిస్థితి ఇలానే ఉంటే, క‌రోనా స‌ద్దుమ‌ణిగేంత వ‌ర‌కూ సినిమా పేజీని పూర్తిగా వ‌దిలేయాల‌ని యాజ‌మాన్యాలు భావిస్తున్న‌ట్టు తెలుస్తోంది.