రీసెంట్ గా కళ్యాణ వైభోగమే సినిమాతో సూపర్ హిట్ కొట్టిన హీరో నాగశౌర్య అమ్మాయిల్లో భారీ క్రేజ్ ను ఏర్పరచుకున్నాడు. నందిని రెడ్డి దర్శకత్వంలో వచ్చిన కళ్యాణ వైభోగమే ఈ నెల 4న రిలీజ్ అయ్యి సక్సెస్ ఫుల్ గా దూసుకుపోతుంది. ఇంతటి ఘనవిజయం తమకు అందించినందుకు కృతజ్ఞతగా సక్సెస్ టూర్ ప్లాన్ చేశారు చిత్ర యూనిట్. అయితే ఊహించిన దానికన్నా ఎక్కువగా ఈ టూర్ సూపర్ సక్సెస్ అయ్యిందట.
ఇక అమ్మాయిలైతే నాగశౌర్య అంటే పడిచస్తున్న ఫీలింగ్ కలుగుతుంది. ఒకేసారు చాలామది అమ్మాయిలు శౌర్య ఆటోగ్రాఫ్స్ కోసం ఎగబడుతున్నారట. చూస్తుంటే టాలీవుడ్ కి మరో యంగ్ లవర్ బోయ్ దొరికాడని అనుకోవచ్చు. పరిశ్రమతో ఎలాంటి సంబంధం లేకుండా కేవలం తన టాలెంట్ తోనే క్రేజ్ ను సంపాధించాడు నాగశౌర్య. ఊహలు గుసగుసలాడే సినిమా హిట్ తర్వాత ఆ రేంజ్ హిట్ అందుకున్న కళ్యాణ వైభోగమేతో నాగశౌర్య స్టామినా ఏంటో ప్రూవ్ చేసింది. ఇక డూ ఆర్ డై అన్నట్టుగా ఈ సినిమాకు తన టాలెంట్ అంతా సమకూర్చు చేసిన దర్శకురాలు నందిని రెడ్డి చివరగా తన సత్తా ఏంటో చాటుకుంది.
