క‌ల్యాణ్ రామ్ కెరీర్‌కి బూస్ట‌ప్ ఇచ్చిన సినిమా బింబిసార. వశిష్ట ద‌ర్శ‌క‌త్వం వ‌హించిన ఈ చిత్రం అనూహ్య‌మైన విజ‌యాన్ని అందుకొంది. మంచి వ‌సూళ్లు రాబ‌ట్టింది. బింబిసార 2 కూడా వ‌స్తుంద‌ని అప్పుడే చిత్ర‌బృందం ప్రక‌టించింది. ఆ సినిమాపై కూడా భారీ అంచ‌నాలు ఉన్నాయి. జీ 5 సినిమా రూ.100 కోట్ల ఆఫర్‌తో ఈ సినిమా కొన‌డానికి ముందుకు వ‌చ్చింది. జీ 5 రూ.100 కోట్లు ఇస్తుంది. క‌ల్యాణ్ రామ్.. ఫ‌స్ట్ కాపీ ఇవ్వాలి. అదీ.. డీల్.
అయితే.. ఈ ప్రాజెక్టు నుంచి వశిష్ట త‌ప్పుకొన్నాడు. ఆ స్థానంలో రొమాంటిక్ ద‌ర్శ‌కుడు అనిల్ వ‌చ్చి చేరాడు. వశిష్ట లేక‌పోయినా స‌రే.. జీ 5 ఆఫ‌ర్ అలానే ఉంది. కాక‌పోతే… క‌థ ఇంకా రెడీ కాలేదు. వశిష్ట బింబిసార 1 టైమ్ లోనే 2 కి సంబంధించిన క‌థ రాసేశాడు. కానీ ఆ క‌థ‌ని ప‌క్క‌న పెట్టి, పూర్తిగా కొత్త క‌థ రాసుకొనే ప్ర‌య‌త్నాల్లో ఉంది చిత్ర బృందం. అందుకే ఈ ప్రాజెక్ట్ ఆల‌స్యం అవుతోంది. ఆగ‌స్టులో ఈ సినిమా ప్రారంభం అయ్యే అవ‌కాశాలు ఉన్నాయి. 2024 వేస‌విలో ప్రేక్షకుల ముందుకు రావొచ్చు.
