పరిశ్రంలో ఎలాంటి కామెంట్స్ చేయాలంటే అది కచ్చితంగా దర్శకరత్న దాసరికే చెల్లుతుంది. అంతేకాదు ఆయన అన్న మాటల్లో నిజం కూడా ఉంటుంది. రీసెంట్ గా ‘మెంటల్ పోలీస్’ ట్రైలర్ రిలీజ్ కార్యక్రమంలో పాల్గొన్న దాసరి నారాయణ రావు ఈ మధ్య దర్శక నిర్మాతలు సినిమా కథ మీద దృష్టి పెట్టట్లేదని.. కథా వస్తువు లేకుండానే సినిమాకు అనవసర సెట్స్, ఫారిన్ లొకేషన్స్ అంటూ హంగామా చేసి ఖర్చు చేసేస్తున్నారని అన్నారు. అయితే ఈ మాటలను చూస్తే దాసరి పవర్ స్టార్ రీసెంట్ రిలీజ్ ‘సర్దార్ గబ్బర్ సింగ్’ గురించేనా అన్న డౌట్ రాక్ మానదు. పవన్ కల్యాణ్ కథ కథనాలు అందించిన ఈ సినిమా భారీ బడ్జెట్ తో నిర్మించబడింది.
అయితే దాసరి చేసిన కామెంట్స్ పవన్ కు సూటిగా అగిలే అవకాశాలు ఉన్నాయి. ఇదిలా ఉంటే దాసరి నిర్మాణంలో పవన్ కళ్యాణ్ ఓ సినిమా చేయబోతున్నట్టు అప్పట్లో వార్తలు హల్ చల్ చేశాయి. మరి తీసే చివరి రెండు మూడు సినిమాల్లో దాసరి సిరి మీడియా ప్రొడక్షన్ లో సినిమా ఉంటుందా లేదా అన్నది తెలియాల్సి ఉంది. ప్రస్తుతం దాసరి చేసిన కామెంట్స్ గురించి టాలీవుడ్ హాట్ టాపిక్ అయ్యింది.
