తెలుగు సినిమా చరిత్రలో కనివిని ఎరుగని రీతిలో సంచలనాలు సృష్టించి ఎన్నో అవార్డులు.. రివార్డులను పొందిన జక్కన చెక్కిన బాహుబలి ఇప్పుడు అత్యంత ప్రతిష్టాత్మక జాతీయ పురస్కారాన్ని కూడా అందుకుంది. అయితే ఈ సందర్భంగా పలువురు సిని ప్రముఖులు బాహుబలికి ఈ అవార్డ్ రావడం పట్ల తమ సంతోషాన్ని అభినందనల రూపంలో తెలపడం జరిగింది. దర్శకరత్న దాసరి మాత్రం బాహుబలికి అవార్డ్ రావడం పట్ల కొంత సంతోషంగా ఉన్నా కాస్త విచారిస్తున్నారని అన్నారు.
బాహుబలికి అవార్డ్ రావడం పట్ల దాసరి విచారం ఎందుకు అంటే బాహుబలి ఉత్తమ చిత్రం గానూ, ఉత్తమ వి.ఎఫ్.ఎక్స్ విభాగంలోనూ అవార్డ్ సొంతం చేసుకోవడం జరిగింది. అయితే ఉత్తమ దర్శకుడిగా కూడా రాజమౌళికి వచ్చి ఉంటే బాగుండేది అన్న విషయాన్ని వ్యక్తం చేశాడు దాసరి నారాయణరావు. ఉత్తమ దర్శకుడిగా రాజమౌళి వచ్చి ఉంటే ఇంకా సంతోషంగా ఉండేదని మీడియా హౌజ్ తో దాసరి అన్నారు.
