అక్కినేని వారసుడు నాగ చైతన్య ఏమాయ చేసావె గౌతం మీనన్ కాంబినేషన్ లో చేస్తున్న సినిమా సాహసం శ్వాసగా సాగిపో. ఎప్పుడో పూర్తయ్యి విడుదల కావాల్సిన ఈ సినిమా ఇంకా చిత్రీకరణ దశలోనే ఉంది. నాగ చైతన్య కెరియర్ అస్థవ్యస్థం అయ్యేలా చేస్తున్న ఈ సినిమా ఎప్పుడు పూర్తవుతుందా అని చైతు ఎదురుచూస్తున్నాడు. అయితే ఈ సినిమాను ఏమాయ చేసావే లానే తెలుగు తమిళ భాషల్లో ఒకేసారి నిర్మిస్తున్నాడు గౌతం మీనన్.
రెండు సినిమాల షెడ్యూల్ ఒకేసారి ప్లాన్ చేసి చిత్రీకరించాలని భావించారట. తెలుగులో చైతు తమిళ్ లో శింభు హీరోగా చేస్తున్నాడు. ఈ మధ్య బీప్ సాంగ్ వివాదంలో ఇరుక్కున్న శింభు ఆ వివాదంతో షూటింగ్ కు దూరంగా ఉన్నాడు. తన వరకు షూట్ చేసి బయట పడదాం అనుకున్న చైతుకు ఏం చేయాలో తోచని పరిస్థితి అయ్యింది. సినిమా గురించి వదిలిన ట్రైలర్ అయితే అప్పట్లో చైతుకి మరో ఏమాయ చేసావే అని హైప్ తీసుకువచ్చినా సినిమా లేట్ అందరిని నిరుత్సాహ పరుస్తుంది.
ఏ.ఆర్ రెహమాన్ సంగీతం అందిస్తున్న ఈ సినిమాలో మంజిమా మోహన్ కథానాయికగా నటిస్తుంది. మరి ఈ సినిమా ఎప్పుడు ముందుకు సాగి ఎప్పుడు ప్రేక్షకులను అలరించేందుకు వస్తుందో చూడాలి.
