మ‌రో నెల‌రోజుల్లో ‘దేవ‌ర’ వ‌చ్చేస్తున్నాడు. ఎన్టీఆర్ – కొర‌టాల శివ కాంబినేష‌న్ లో రూపుదిద్దుకొంటున్న సినిమా ఇది. ‘ఆర్.ఆర్.ఆర్’ త‌ర‌వాత ఎన్టీఆర్ నుంచి వ‌స్తున్న సినిమా కావ‌డంతో భారీ అంచ‌నాలు ఏర్ప‌డ్డాయి. ఇప్ప‌టికే రెండు పాట‌లూ, టీజ‌ర్ వ‌చ్చాయి. మూడో పాట విడుద‌ల‌కు రంగం సిద్ధం అవుతోంది. ఈసారి మంచి ఊపున్న పాట రాబోతోంద‌ని స‌మాచారం. ఎన్టీఆర్ డాన్స్ మూమెంట్స్ కి త‌గ్గ‌ట్టుగా అనిరుధ్ ఈ పాట కంపోజ్ చేశాడ‌ని తెలుస్తోంది. ‘ఆర్.ఆర్.ఆర్’లో ఎన్టీఆర్ డాన్సింగ్ షో పూర్తి స్థాయిలో చూసే అవ‌కాశం ద‌క్క‌లేదు. ఈసారి కొర‌టాల ఆ లోటు తీర్చ‌బోతున్న‌ట్టు టాక్‌.
‘దేవ‌ర`లో ఇప్ప‌టి వ‌ర‌కూ వ‌చ్చిన రెండు పాట‌లూ రామ‌జోగ‌య్య శాస్త్రి రాశారు. మూడో పాట కూడా ఆయ‌న క‌లం నుంచే జాలు వారింది.
”మూడో పాట, పాట‌కు మించిన ఆట, క‌న్నుల పండుగ. ఒక ఆట ఆడుకొన్నాడ‌ట తార‌క రాముడు. ఎప్పుడ‌ని అడ‌క్కండి. ఎప్పుడొచ్చినా భీభ‌త్స‌మే.. ప‌క్కా” అంటూ రామ జోగ‌య్య చేసిన ట్వీట్ ఇప్పుడు తార‌క్ అభిమానుల్ని ఆనందంలో ముంచెత్తుతోంది. వినాయ‌క చ‌వితికి ట్రైల‌ర్ విడుద‌ల చేసే అవ‌కాశం ఉంద‌ని, ఆలోగానే మూడో పాట కూడా రిలీజ్ చేస్తార‌ని తెలుస్తోంది. జాన్వీ క‌పూర్ క‌థానాయిక‌గా న‌టించిన ఈ చిత్రంలో సైఫ్ అలీఖాన్ ప్ర‌తినాయ‌కుడిగా క‌నిపించ‌బోతున్నాడు. సెప్టెంబ‌రు 27న దేవ‌ర ప్రేక్ష‌కుల ముందుకు వ‌స్తున్న సంగ‌తి తెలిసిందే.
