కార్తీకి తొలి నాళ్ల‌లో మంచి గుర్తింపు తీసుకొచ్చిన సినిమా `యుగానికి ఒక్క‌డు`. సెల్వ‌రాఘ‌వ‌న్ ద‌ర్శ‌క‌త్వం వ‌హించిన ఈ సినిమా… ఓ కొత్త అనుభూతికి ఇచ్చింది. ఇప్పుడు `యుగానికి ఒక్క‌డు` సీక్వెల్ రాబోతోంది. ఈ విష‌యాన్ని సెల్వ రాఘ‌వ‌న్ అధికారికంగా ప్ర‌క‌టించారు. అయితే.. ఈ సీక్వెల్ లో కార్తి లేడు. ఆ స్థానంలో ధ‌నుష్ వచ్చి చేరాడు. ప్ర‌స్తుతం ప్రీ ప్రొడ‌క్ష‌న్ ప‌నులు జ‌రుగుతున్నాయ‌ట‌. అవి పూర్త‌వ‌డానికి ఓ సంవ‌త్స‌రం ప‌డుతుంద‌ని తెలుస్తోంది. అంటే.. 2022లో ఈ సినిమా ప‌ట్టాలెక్కుతుంది. 2024లో ఈ సినిమా విడుద‌ల అవుతుంది. సాధార‌ణంగా.. సీక్వెల్ అంటే హీరో, ద‌ర్శ‌కుడు రిపీట్ అవుతుంటారు. ఈసారి మాత్రం కార్తి ఈ సినిమా చేయ‌డంలేదు. నిజానికి ఈ సీక్వెల్ లో కార్తి న‌టించాల్సిందే. కానీ త‌న‌కున్న కమిట్‌మెంట్స్ వ‌ల్ల కుద‌ర‌డం లేదు. మిగిలిన న‌టీన‌టులు, సాంకేతిక నిపుణుల వివ‌రాలు త్వ‌ర‌లో వెల్ల‌డిస్తారు.