త‌మిళ హీరో ధనుష్ ఇప్పుడు తెలుగు ప‌రిశ్ర‌మ‌పై ఫోక‌స్ చేశాడు. ఇప్ప‌టికే `సార్‌` అనే సినిమా చేస్తున్నాడు. వెంకీ అట్లూరి ద‌ర్శ‌కుడు. ఈ సినిమా కంటే ముందే…. శేఖ‌ర్ క‌మ్ముల చెప్పిన క‌థ ఓకే చేశాడు. 2023 ప్ర‌ధ‌మార్థంలో ఈ ప్రాజెక్టు ముందుకు వెళ్తుంది. ఇప్పుడు ధనుష్ కోసం మ‌రో ప్రాజెక్ట్ సెట్ అయ్యేలా ఉంది.
నీదీ నాదీ ఒకే క‌థ తో ఆక‌ట్టుకొన్నాడు వేణు ఉడుగుల. ఇటీవ‌లే.. విరాట‌ప‌ర్వంతో ప్రేక్ష‌కుల ముందుకు వ‌చ్చాడు. ఈ సినిమా ఆశించినంత విజ‌యాన్ని అందుకోలేక‌పోయినా… విమ‌ర్శ‌కుల నుంచి మాత్రం ప్ర‌శంస‌లు పొందింది. ద‌ర్శ‌కుడుగా వేణు ఉడుగుల పాస్ మార్కులు వేయించుకొన్నాడు. నీదీ నాదీ ఒకే క‌థ విడుద‌ల కాక‌ముందే సితార ఎంట‌ర్‌టైన్‌మెంట్స్ నుంచి అడ్వాన్స్ అందుకొన్నాడు వేణు. ఇప్పుడు `సార్‌` కూడా సితార‌లో తెర‌కెక్కుతోంది. అందుకే `సితార` సంస్థ మ‌రోసారి ధ‌నుష్‌ని ఒప్పించాల‌ని చూస్తోంది. వేణు క‌థ‌తో… ధ‌నుష్‌ని లాక్ చేయాల‌న్న ప్ర‌య‌త్నాలు మొద‌ల‌య్యాయి. ఇటీవ‌ల ధనుష్ – వేణు ఉడుగుల మ‌ధ్య క‌థా చ‌ర్చ‌లు కూడా జ‌రిగిన‌ట్టు స‌మాచారం. అతి త్వ‌ర‌లో ఈ కాంబోపై ఓ క్లారిటీ వ‌స్తుంది.
