మహేష్ బాబు సరసన నటించే చాన్స్ వచ్చినట్లే వచ్చి, ఆగిపోయింది హీరోయిన్ రష్మిక మడొన్నాకు. ప్రస్తుతం ఆ చాన్స్ అబేయన్స్ లో వుంది. అయితే నిర్మాత దిల్ రాజుకు మాత్రం ఆమెను వదులుకోవడం ఇష్టం లేనట్లుంది. అందుకే ఆమెకు ఓ ఆల్టర్ నేటివ్ చాన్స్ ను అప్పుడే రెడీ చేసేసారు.
ఈ ఏడాది ఆయన నిర్మించబోయే ప్రాజెక్టుల్లో ఒక దాంట్లోకి ఆమెను తీసుకుంటారట. నాగ్ చైతన్య హీరోగా ఆ ప్రాజెక్టు వుంటుంది. దాంట్లో చైతూ సరసన రష్మిక ను తీసుకుంటారట. గతంలో గల్లా జయదేవ్ కొడుకు అశోక్ కోసం రెడీ చేసిన ప్రాజెక్టు అది. కానీ క్యాన్సిల్ అయింది.
దాన్ని చైతన్యతో రీప్లేస్ చేసారు. అందులోకి ఇప్పుడు రష్మిక వచ్చి చేరుతుందన్న మాట. రష్మిక ప్రస్తుతం తమిళ, తెలుగు సినిమాలతో ఫుల్ బిజీగా వుంది. తెలుగులో నితిన్ తో సినిమా కమిట్ అయింది. చైతన్యతో రెండోది. ఇది కాక మరో సినిమా సాయి ధరమ్ పక్కన చేసే అవకాశం వుంది.
