పరిశ్రమలో మినిమం గ్యారెంటీ హిట్స్ తీస్తుంటాడు దిల్ రాజు.. ఇప్పుడు కాస్త పట్టు తప్పాడు కాని ఇదవరకు దిల్ రాజు సినిమా తీస్తే పక్కా హిట్ అన్న టాక్ ఉండేది. కేవలం స్టార్ హీరోలతోనే కాదు కాన్సెప్ట్ ఓరియెంటెడ్ సినిమాలతో కూడా దిల్ రాజు తన బ్యానర్ వాల్యూని పెంచుకుంటూ వచ్చాడు. అందుకే దిల్ రాజుతో సినిమా అంటే స్టార్ హీరోలైనా డేట్స్ ఇచ్చేస్తారు. ఇక దిల్ రాజు ప్రొడక్షన్ వాల్యూస్ గురించి ప్రత్యేకంగా మాట్లాడాల్సిన పని కూడా లేదనుకోండి. అయితే కొద్దికాలం రొటీన్ కాంబినేషన్స్ లో సినిమాలు చేస్తున్న రాజు ఇప్పుడు కాస్త పద్దతి మార్చుకుని మళ్లీ కొత్త ఉత్సాహాన్ని తెచ్చుకున్నాడు.
ఆ క్రమంలోనే నందమూరి కళ్యాణ్ రాంతో ఓ సినిమా కమిట్ అయ్యాడు దిల్ రాజు. పటాస్ సినిమా నైజాంలో రిలీజ్ చేసి మంచి లాభాలు పొందిన దిల్ రాజు కరెక్ట్ సినిమా పడితే కళ్యాణ్ రాం కూడా స్టార్ అవుతాడని డెశిషన్ కు వచ్చేసినట్టున్నాడు. కె.ఎస్.రవికుమార్ దర్శకత్వంలో కళ్యాణ్ రాం హీరోగా దిల్ రాజు ఓ సినిమా నిర్మిస్తున్నాడు. సౌఖ్యం ఫ్లాప్ అయినా రవికుమార్ చెప్పిన లైన్ నచ్చడంతో దిల్ రాజు ఈ ప్రాజెక్ట్ ను టేకప్ చేశాడు.
ప్రస్తుతం కళ్యాణ్ రాం పూరితో రీమిక్స్ సినిమా కమిట్ అయ్యి ఉన్నాడు. అది పూర్తి చేసుకున్నాకే రవికుమార్, దిల్ రాజుల సినిమా చేస్తాడు కళ్యాణ్ రాం. మరి క్రేజీ కాంబినేషన్ లో వస్తున్న ఈ సినిమా ఎలాంటి హిట్ ఇస్తుందో చూడాలి.
