ప‌వ‌న్ క‌ల్యాణ్ అభిమానులే కాదు, సినీ ప్రేమికులు కూడా ఖుషి సినిమాని మ‌ర్చిపోలేరు. ప్రేమికుల మ‌ధ్య ‘ఈగో’ అనే అంద‌మైన అరుదైన కాన్సెప్ట్‌తో తెర‌కెక్కిన‌చిత్ర‌మది. ఆ టైపు ప్రేమ‌క‌థ‌.. తెలుగు ప్రేక్ష‌కుల‌కు బొత్తిగా కొత్త‌. దాంతో పాటు ప‌వ‌న్ న‌ట‌న‌, భూమిక గ్లామ‌ర్‌… మ‌రీ ముఖ్యంగా ఆ న‌డుం సీను.. సూప‌రో సూప‌ర్‌. స‌రిగ్గా ఇలాంటి సినిమానే ‘ఫిదా’ కూడా. ఈ మాట స్వ‌యంగా ఆ చిత్ర నిర్మాత దిల్‌రాజునే ఒప్పుకొన్నారు. ”ఖుషీలాంటి సినిమా ఫిదా. ఆ రోజున ప‌వ‌న్ క‌ల్యాణ్ కెరీర్ ని ఖుషీ ఏ స్థాయిలోకి తీసుకెళ్లిందో… ఇప్పుడు వ‌రుణ్ తేజ్ కెరీర్‌కి ఫిదా ఆ విధంగా హెల్ప్ అవుతుంద‌”ని చెబుతున్నారు దిల్‌రాజు.

ప్రేమికుల మ‌ధ్య చిన్న చిన్న ఈగో స‌మ‌స్య‌ల‌తో ఉత్ప‌న్న‌మ‌య్యే స‌న్నివేశాల‌తో సాగే క‌థ ఫిదా. క‌థానాయిక పాత్ర‌లో మాస్ ల‌క్ష‌ణాలు క‌నిపిస్తాయ‌ట‌. త‌నో రౌడీలా బిహేవ్ చేస్తుంటుంద‌ట‌. ఆ పాత్ర‌లో సాయి ప‌ల్ల‌వి క‌నిపించ‌బోతోంది. ఇప్ప‌టికే ప్ర‌చార చిత్రాల్లో సాయి ప‌ల్ల‌వి నుంచి వ‌చ్చే డైలాగులు మాస్‌కి న‌చ్చుతున్నాయి. దాంతో పాటు ఈ సినిమాలో ఆమెను ప‌వ‌న్ క‌ల్యాణ్ ఫ్యాన్ గా చూపించ‌బోతున్నార్ట‌. ప‌వ‌న్ క‌ల్యాణ్ సూప‌ర్ హిట్ సినిమాల్లో ని డైలాగులు సాయి ప‌ల్ల‌వి నోటి నుంచి విన‌బోతున్నారు. ఇవ‌న్నీ ప‌వ‌న్ ఫ్యాన్స్‌కి కిక్ ఇచ్చే అంశాలే!