దిల్ రాజు రాజకీయాల్లోకి వెళ్తున్నారు. అయితే అనూహ్యంగా ఆయన పేరు బీజేపీ జాబితాలో వినిపిస్తోంది. జహీరాబాద్ నియోజకవర్గం నుంచి దిల్ రాజు పేరును బీజేపీ పరిశీలిస్తోంది. ప్రాబబుల్స్ జాబితాలో ఢిల్లీకి కూడా పంపారు. పోటీ చేయడానికి దిల్ రాజు కూడా రెడీగా ఉన్నారు. అయితే ఆయన అడిగారా… కిషన్ రెడ్డినే సంప్రదించారా అన్నది స్పష్టత లేదు.
దిల్ రాజుకు రాజకీయ ఆశలు ఉన్నాయి. గతంలో ఆయన పేరు చాలా సార్లు ప్రచారంలోకి వచ్చింది. బీఆర్ఎస్ అధికారంలో ఉన్నప్పుడు ఆ పార్టీ తరపున పోటీ చేస్తారన్నట్లుగా ప్రచారం జరిగింది. కానీ అప్పట్లో నిజామాబాద్ నుంచి కవితనే పోటీ చేసేవారు. ఆయనకు చాన్స్ రాలేదు. తర్వాత కాంగ్రెస్ తరపున పోటీ చేస్తారని చెప్పుకున్నారు. ప్రస్తుతం దిల్ రాజు ఆసక్తి చూపితే నిజామాబాద్ నుంచి కాంగ్రెస్ తరపున పేరును పరిశీలించే అవకాశం ఉంది.
అయితే దిల్ రాజుకు బీజేపీనే ఆఫర్ ఇచ్చింది. జహీరాబాద్ నుంచి బీజేపీకి మంచి అవకాశాలు ఉన్నాయని ఆ పార్టీ నేతలు చెబుతున్నారు. అందుకే దిల్ రాజును బరిలోకి దిగాలని అంటున్నారు. బీ జేపీ టిక్కెట్ ఇస్తే దిల్ రాజు కాదనలేరు పోటీ చేస్తారు.. కానీ దిల్ రాజు మొదటి ఆప్షన్ నిజామాబాద్. అక్కడ్నుంచి ధర్మపురి అర్వింద్ ఉన్నారు కాబట్టి చాన్స్ రాదు. అందుకే జహీరాబాద్ ఖరారు చేస్తున్నట్లుగా తెలుస్తోంది.
