తమిళంలో స్టార్ ఇమేజ్ ఉన్న విజయ్ సౌత్ సూపర్ స్టార్స్ ని కూడా గడగడలాడించగల సత్తా ఉన్న హీరో.. సౌత్ లో భారీ ఫాలోయింగ్ ఉన్న హీరోల్లో విజయ్ ముందజలో ఉంటాడు. ఇక కోలీవుడ్ లో విజయ్ గురించి చెప్పాల్సిన పనిలేదు. అయితే తెలుగులో ఆ రేంజ్ ఇమేజ్ సొంతం చేసుకునే ప్రయత్నాలు చేస్తున్నా విజయ్ ఇక్కడ సక్సెస్ కాలేకపోతున్నాడు. అయితే ప్రస్తుతం కోలీవుడ్ లో విజయ్ సృష్టించబోయే సంచలనం పేరు తెరి.. రాజా రాణి దర్శకుడు అట్లీ దర్శకత్వంలో వస్తున్న ఈ సినిమా భారీ అంచనాలతో వస్తుంది.
ఏప్రిల్ 15న రిలీజ్ కాబోతున్న ఈ సినిమాను తెలుగులో దిల్ రాజు డబ్ చేసి రిలీజ్ చేసే ఆలోచనలో ఉన్నాడట. ఇప్పటికే నిర్మాతగా.. డిస్ట్రిబ్యూటర్ గా సంచలనం సృష్టిస్తున్న దిల్ రాజు విజయ్ తెరి సినిమాను తెలుగులో డబ్ చేసి రిలీజ్ చేసే ఆలోచనల్లో ఉన్నాడు. ప్రస్తుతం దిల్ రాజు చేస్తున్న సినిమాలేవి బాక్సాఫీస్ దగ్గర సందడి చేయలేకపోతున్నాయి.. అందుకే తెరి సినిమాతో ఆ లాస్ ను కవర్ చేసుకోవాలని చూస్తున్నాడు దిల్ రాజు. మరి రాజు పన్నిన ఈ వ్యూహం ఎంతవరకు సక్సెస్ అవుతుందో చూడాలి. తెలుగు రెండు రాష్ట్రాల్లో తేరి సినిమాను భారిగా రిలీజ్ చేసి.. విజయ్ ఇమేజ్ తో పాటు తన జేబు నింపుకోవాలని చూస్తున్నాడు రాజు.
రీసెంట్ గా దిల్ రాజు నిర్మించిన కృష్ణాష్టమి సినిమా ఫ్లాప్ అవ్వగా.. తర్వాత తను తీసే సాయి ధరం తేజ్, అనీల్ రావిపూడిల కాంబినేషన్ లో వస్తున్న సినిమా మీద ఫోకస్ పెట్టాడు దిల్ రాజు.. రాశి ఖన్నా హీరోయిన్ గా నటిస్తున్న ఈ సుప్రీం సినిమా రిలీజ్ డేట్ ఇంకా ఫైనలైజ్ చేయలేదు.
