ఘట్టమనేని కుటుంబం నుంచి మరో వారసుడు వెండితెర మీదకు రాబోతున్నాడు. సూప‌ర్‌స్టార్‌ కృష్ణ మనవడు, మ‌హేశ్‌బాబు మేనల్లుడు గల్లా అశోక్‌ని హీరోగా పరిచయం చేయడానికి రంగం సిద్ధమైంది. మహేశ్ పెద్దక్క పద్మావతి, ఎంపి గల్లా జయదేవ్ దంపతుల కుమారుడే అశోక్. హీరోగా పరిచయం కావడం కోసం అశోక్ యాక్టింగ్, డ్యాన్సింగ్, ఫైటింగుల్లో ట్రయినింగ్ తీసుకుంటున్నాడని ఎప్పట్నుంచో ప్రచారం జరుగుతోంది. లేటెస్ట్ అప్డేట్ ఏంటంటే… అతణ్ణి హీరోగా పరిచయం చేసే బాధ్యతను మహేశ్ కుటుంబం నిర్మాత ‘దిల్’ రాజు చేతుల్లో పెట్టింది. మహేశ్ బావ సుధీర్ బాబు హీరోగా వచ్చిన ‘ఆడు మగాడ్రా బుజ్జి’కి దర్శకత్వం వహించిన కృష్ణారెడ్డి అశోక్ తొలి సినిమాకి దర్శకత్వం వహిస్తారని సమాచారం. వచ్చే నెలలో షూటింగ్ మొదలవుతుందని టాక్. మ‌హేశ్‌బాబు మేనల్లుడిని ‘దిల్’ రాజు చేతిలో పెట్టడానికి ఓ కారణం వుంది. నిర్మాతగా ఆయన సక్సెస్ రేట్ ఎక్కువ. ఏ హీరోతో ఎలాంటి కథతో సినిమా తీయాలనే అనుభవం వచ్చింది. స్క్రిప్ట్ విషయంలో, నిర్మాణం విషయంలో రాజీపడరు. అందుకని పెట్టి వుంటారు.