ఒక సినిమా నిర్మాత తను తీస్తున్న సినిమా మీద నమ్మకంతో ఉండటం చూస్తూనే ఉంటాం.. కాని దిల్ రాజు దానికి ఇంకాస్త ముందడుగేసి తన సినిమాకు ఆడియెన్స్ ఎంత రేటింగ్ ఇచ్చేస్తారు అని కూడా డిసైడ్ చేస్తున్నాడు. అరె విచిత్రం కామెడీ కాకపోతే దిల్ రాజు అలా ఎలా అంటాడని మీరు ఆశ్చర్యపోవచ్చు. సునిల్ హీరోగా వాసు వర్మ దర్శకత్వంలో దిల్ రాజు నిర్మించిన సినిమా కృష్ణాష్టమి.
ఈ శుక్రవారం రిలీజ్ అవుతున్న ఈ సినిమా మీద భారీ అంచనాలు పెట్టుకున్నాడు దిల్ రాజు. సినిమా చూసిన రివ్యూయర్స్.. ఇంకా ఆడియెన్స్ తప్పకుండా 3.5 నుండి 3.75 వరకు రేటింగ్ ఇచ్చే అవకాశం ఉందని అంటున్నాడు. మా సినిమా హిట్టు.. మా సినిమా సూపర్ హిట్టు అని రిలీజ్ కు ముందే చెప్పే దర్శక నిర్మాతలని చూశాం కాని.. ఇలా రేటింగ్స్ అంటూ సరికొత్త పబ్లిసిటీ ట్రెండ్ స్టార్ట్ చేస్తున్నాడు దిల్ రాజు. నిర్మాతగా తలపండిన వ్యక్తిగా ఇలాంటి ప్రయోగాలు చేయడం దిల్ రాజుకే చెల్లుతుంది.
దిల్ రాజు ఇంత నమ్మకంతో చెప్పాడంటే సినిమాలో కచ్చితంగా విషయం ఉండే ఉంటుంది. మరి దిల్ రాజు చెప్పిన మాటలు నిజమా కాదా అని తెలుసుకోవాలంటే మరొక్కరోజు ఆగితే అసలు అసలు విషయం బట్టబయలు అవుతుంది.
