నిర్మాతగా, డిస్ట్రిబ్యూటర్ గా ఫుల్ బిజీగా వున్నారు. దిల్ రాజు. అయితే డిస్ట్రిబ్యూటర్ గా వుండడం వేరు. ఒకేసారి అయిదారు సినిమాలు పంపిణీ చేస్తే చేయచ్చు. కానీ నిర్మాతగా అన్ని ప్రాజెక్టులు ఒకేసారి అంటే కాస్త కష్టమే.
ప్రస్తుతం దిల్ రాజు మహర్షి సినిమాను ఫినిష్ చేసే పనిలో వున్నారు. ఇప్పటికే శర్వానంద్-సమంతల కాంబినేషన్ లో 96 రీమేక్ స్టార్ట్ చేసారు. అది షూటింగ్ జరుగుతోంది. మరోపక్క రాజ్ తరుణ్-ఆర్ కే కాంబినేషన్ సినిమా షూట్ స్టార్ట్ చేసారు. అది కంటిన్యూగా జరుగుతుంది.
ఇవి కాక 26న నాని-సుధీర్ కుమార్-ఇంద్రగంటి కాంబినేషన్ లో సినిమా స్టార్ట్ చేస్తున్నారు. అది వచ్చే నెల నుంచి సెట్ మీదకు వెళ్తుంది. అంటే మహర్షి కాకుండా మూడు సినిమాలు సమాంతరంగా నిర్మించడం అన్నమాట. వీటికి తోడు జూన్ నుంచి అనిల్ రావిపూడి-మహేష్ బాబు సినిమా అనిల్ సుంకర పార్టనర్ షిప్ లో స్టార్ట్ అవుతుంది.
ఇవన్నీ కాక నాగ్ చైతన్య, బన్నీ ప్రాజెక్టులు రెడీగా వున్నాయి. వాళ్ల డేట్ లు రావడం ఆలస్యం. మరోపక్క ఎఫ్ 2 తో, జెర్సీ తో బాలీవుడ్ లో ఎంటర్ అయ్యెే ప్రయత్నాలు చేస్తున్నారు. ఒక నిర్మాణ సంస్థ ఒకేసారి ఇన్ని సినిమాలు తలకెత్తుకోవడం అంటే రికార్డే అనుకోవాలి.
