ప్రతిభ ఉంటే ఎలాంటి పరిశ్రమలో అయినా ఇట్టే అభివృద్ధిలోకి రావొచ్చు దానికి అదృష్టం కూడా తోడవుతుంది అని మరోసారి రుజువైంది. అలా ఎలా సినిమాతో దర్శకుడిగా పరిచయమైన అనీష్ కృష్ణ సినిమాలో తన టాలెంట్ చూసి అందరు మెచ్చుకున్నారు. సినిమా ప్రేక్షకుల్లో అంత పెద్ద హిట్ అయ్యిందా అనుకున్నా.. సినిమా పెట్టిన దానికి రెండు రెట్లు లాభాలొచ్చాయి. అయితే ఈ సినిమా దర్శకుడు మరళ అలా ఎలా సీక్వల్ ప్రయత్నిద్దామనుకున్నాడు కాని ప్రస్తుతం దాన్ని పక్కకు పెట్టి రానాకి ఓ కథ సిద్ధం చేసి చెప్పాడట.
కథ నచ్చి ఇంప్రెస్ అయిన రానా తనతో కలిసి సినిమా చేయడానికి ఓకే చెప్పాడని తెలుస్తుంది. ప్రస్తుతం రానా స్టార్ ఇమేజ్ అనేది పక్కన పెడితే బాహుబలితో సూపర్ క్రేజ్ ని సంపాధిచుకున్నాడు. కొత్త వారిని ఎంకరేజ్ చేయడంలో ఎప్పుడు ముందుండే టాలీవుడ్ ఇప్పుడు ఆ అవకాశాలను మరింత పెంచేసిందని తెలుస్తుంది. స్వామిరారా సినిమాతో సుధీర్ వర్మ, కార్తికేయ సినిమాతో చందు మొండేటి ఇలా కొత్త దర్శకులే ఇప్పుడు క్రేజీ సినిమాలు చేస్తూ మంచి పేరు తెచ్చుకుంటున్నారు.
మరి రానా మెచ్చిన అనీష్ కూడా ఇచ్చిన అవకాశాన్ని సద్వినియోగపరచుకుని రానాకి సోలోగా సూపర్ హిట్ సినిమా ఇవ్వాలని ఆశిద్దాం. రానా కమిట్ అయిన రెండు మూడు సినిమాలు పూర్తయ్యాక ఈ సినిమా ఉంటుందట.
