ప్ర‌తిరోజూ పండ‌గే త‌ర‌వాత‌…. మారుతి మ‌రో సినిమా మొద‌లెట్ట‌లేదు. కాక‌పోతే… యూవీ, గీతా ఆర్ట్స్ కలిసి తీయ‌బోయే సినిమాకి త‌నే ద‌ర్శ‌కుడు. వాళ్ల‌తో త‌న‌కు క‌మిట్మెంట్ ఉంది. రామ్, ర‌వితేజ‌ల‌కు క‌థ చెప్పాడు. ర‌వితేజ తో సినిమా దాదాపు ఓకే అనుకుంటున్న త‌రుణంలో పారితోషికం విష‌యంలో పేచీ వ‌చ్చి… ర‌వితేజ త‌ప్పుకున్నాడు. ఇప్పుడు అదే క‌థ‌ని… గోపీచంద్ తో చేయాల‌ని ప్లాన్ చేస్తున్నాడు మారుతి.

ఈ సినిమా కోసం `ప‌క్కా క‌మ‌ర్షియ‌ల్` అనే టైటిల్ ప‌రిశీలిస్తున్నారు. దాదాపుగా అదే ఖాయ‌మయ్యే సూచ‌న‌లు క‌నిపిస్తున్నాయి. ఇందులో క‌థానాయ‌కుడిది లాయ‌ర్ పాత్ర‌. ఫీజు కోసం ఎలాంటి కేసునైనా వాదిస్తుంటాడ‌ట‌. అందుకే.. `ప‌క్కా క‌మ‌ర్షియ‌ల్‌` అనే పేరు సూట‌వుతుంద‌ని మారుతి భావిస్తున్నాడు. మారుతితో ప‌నిచేయ‌డానికి గోపీచంద్ రెడీగానే ఉన్నాడు.కాక‌పోతే… డేట్లు స‌ర్దుబాటు కావాలి. త్వ‌ర‌లోనే ఈ కాంబోకి సంబంధించిన అధికారిక ప్ర‌క‌ట‌న వ‌స్తుంది.