కొత్త ద‌ర్శ‌కుల‌తో, స‌రికొత్త క‌థ‌ల‌తో ప్ర‌యాణం సాగిస్తున్నాడు నాని. ప్ర‌స్తుతం ఇంద్ర‌గంటి మోహ‌న‌కృష్ణ ద‌ర్శ‌క‌త్వంలో రూపొందుతున్న జెంటిల్‌మేన్‌లో న‌టిస్తున్నాడు. షూటింగ్ కూడా పూర్త‌య్యింది. త్వ‌ర‌లోనే అష్టాచ‌మ్మా ద‌ర్శ‌కుడు విరించితో క‌ల‌సి ఓ సినిమా చేయ‌బోతున్నాడు. క‌థ కూడా సిద్ధ‌మైంది. త్వ‌ర‌లోనే ఈ సినిమా సెట్స్‌పైకి వెళ్ల‌బోతోంది. ఈ సినిమాకి సంబంధించిన ఓ ఇంట్ర‌స్టింగ్ న్యూస్ బ‌య‌ట‌కు వ‌చ్చింది. ఈ సినిమాలో ద‌ర్శ‌క ధీరుడు రాజ‌మౌళి కూడా న‌టిస్తున్నాడ‌ట‌. ఆయ‌న ఓ చిన్న పాత్ర‌లో త‌ళుక్కున మెరుస్తున్నార‌ని టాక్‌.

నాని ఈ సినిమాలో స‌హాయ ద‌ర్శ‌కుడిగా న‌టిస్తున్నాడు. ఓ ప్ర‌ముఖ ద‌ర్శ‌కుడి ద‌గ్గ‌ర అసిస్టెంట్‌గా క‌నిపించ‌నున్నాడు. ఆ సీన్ రియ‌లిస్టిక్ గా ఉండాల‌న్న ఉద్దేశంతో రాజ‌మౌళిని సంప్ర‌దించింది చిత్ర‌బృందం. క‌థ న‌చ్చ‌డంతో చిన్న పాత్ర‌లో న‌టించ‌డానికి రాజ‌మౌళి ఒప్పుకొన్నార‌ట‌. పైగా ఈగ సినిమాతో నానికీ, జ‌క్క‌న్న‌కూ మంచి అనుబంధం ఏర్ప‌డింది. దాంతో రాజ‌మౌళి కాద‌న‌లేక‌పోయార‌ట‌. సో.. రాజ‌మౌళిని న‌టుడిగా తెర‌పై చూడొచ్చ‌న్న‌మాట‌. ఈ చిత్రానికి సంబంధించిన పూర్తి వివ‌రాలు త్వ‌ర‌లో తెలుస్తాయి.