కామెడీ సినిమాల దర్శకుడు వీరభద్రం ‘భాయ్’ అంటూ ఓ సినిమా తీసి నాగ్ చేతే ఇలాంటి చెత్త సినిమా నా కెరియర్ లో తీస్తాననుకోలేదు అని ప్రెస్ మీట్ పెట్టి మరి చెప్పిన ఘనత కలిగిన దర్శకుడు. అయితే నాగార్జున లాంటోడో అంత మాటనేసరికి భద్రంకు అవకాశాలు ఇవ్వడానికి కూడా ఎవరు ముందుకు రాలేదు. అయితే సాయి కుమార్ తనయుడు ఆది మాత్రం పెద్ద మనసుతో దర్శకుడికి ఛాన్స్ ఇచ్చాడు. ప్రస్తుతం ఆది వీరభద్రం దర్శకత్వంలో చుట్టాలబ్బాయ్ సినిమా చేస్తున్నాడు.
అయితే కెరియర్ మొదట్లో కాస్త దూకుడు చూపించిన ఆది కూడా ఈ మధ్య చప్పబడ్డాడు. ఇక రీసెంట్ గా వచ్చిన గరం అయితే ఆది కెరియర్ కి దెబ్బెయడమే కాదు సాయి కుమార్ కు 2 కోట్ల నష్టాన్ని మిగిల్చింది. మరి ఇలాంటి స్టేజ్ లో ఆది వీరభద్రాన్ని నమ్ముకుని చుట్టాలబ్బాయ్ సినిమా చేస్తున్నాడు. మరి ఈ కాంబో ఎంతవరకు సక్సెస్ అవుతుందో చూడాలి. టైటిల్ అయితే మంచి పాజిటివ్ ఎనర్జీని ఇస్తున్నా సినిమాలో విషయం ఎంత ఉంటుంది అన్నది ఆడియెన్స్ ఆలోచిస్తున్నారు. మలయాళ భామ నమిత హీరోయిన్ గా నటిస్తున్న ఈ సినిమా ఎలాంటి ఫలితాన్ని ఇస్తుందో చూడాలి. ఓ రకంగా ఆది కెరియర్ వీరభద్రం చేతిలో ఉన్నట్టే మరి. ఒకవేళ ఈ సినిమా సక్సెస్ అయితే ఆది కెరియర్ తో పాటు వీరభద్రం కూడా హిట్ ట్రాక్ ఎక్కేసినట్టే.
