అడివి శేష్‌కి పెళ్లి అయిందా? కాలేదా?…త్వ‌ర‌లో పెళ్లి చేసుకోనున్నారా? ఈ నెలాఖ‌రున ఆయ‌న చెప్ప‌బోయే గుడ్ న్యూస్ ఇదేనా.. ట్విట్ట‌ర్‌లో ఈ విష‌యం మీద కాసేపు స‌ర‌దా మాట‌లు న‌డిచాయి. ఇంత‌కీ ఉన్న‌ట్టుండి అడివి శేష్ పెళ్లి ప్ర‌స్తావ‌న ఎందుకు వ‌చ్చిన‌ట్టు?… ఎందుకంటే ఆయ‌న ట్వీట్ చేశాడు క‌నుక. ఏమ‌ని… “ఈ నెలాఖ‌రున ఓ గుడ్ న్యూస్ చెప్ప‌బోతున్నాను. ప్ర‌స్తుతానికి స‌స్పెన్స్` అని. మ‌రి దానికీ, పెళ్లికీ లింక్ ఎక్క‌డ ప‌డింది..? ఈషా రెబ్బా రూపంలో ప‌డింది. `ఏంటి శేష్.. పెళ్లి క‌బురు చెప్ప‌బోతున్నావా` అని అడివి శేష్‌ని ఉద్దేశించి ట్వీట్ చేసింది కాబ‌ట్టి. అంత వ‌ర‌కు అంతా బానే ఉంది. మ‌రి.. అత‌నికి ఆల్రెడీ పెళ్లింద‌ని అన్న‌దెవ‌రు? ఇంకెవ‌రు.. బ్ర‌హ్మాజీ. `ఇంకా పెళ్లి కాలేదా` అని బ్ర‌హ్మాజీ చ‌మ‌త్క‌రించారు. కానీ ఈషారెబ్బా ట్వీట్‌కు మాత్రం అడివి శేష్ కోపంగా ఉన్న ఎమోజీని పోస్ట్ చేశారు. అంటే విష‌యం పెళ్లికి సంబంధించి మాత్రం కాదు. ఏదో సినిమాకు సంబంధించిందే. అయితే ప్ర‌స్తుతానికి మాత్రం స‌స్పెన్స్ అన్న‌మాట.
అడివి శేష్‌కి పెళ్ల‌యిందా?
