రాజ్‌పుత్‌ మహారాణి ‘పద్మావతి’ జీవిత కథ ఆధారంగా సంజయ్‌లీలా భన్సాలీ తెరకెక్కిస్తున్న చిత్రం ‘పద్మావతి’. దీపికా పదుకొణె ‘పద్మావతి’ పాత్రలో, షాహిద్‌ కపూర్‌ పద్మావతి భర్త మహారావల్‌ రతన్‌ సింగ్‌ పాత్రలో, రణ్‌వీర్‌ సింగ్‌ రాజు అల్లా ఉద్దీన్‌ ఖిల్జీ పాత్రలో నటించారు. ఈ సినిమా వివాదాల సుడిగుండాల్లో చిక్కుకుంది. ఈ సినిమా చుట్టూ లెక్కలేనన్ని వివాదాలు. విడుదలకు ముందే పద్మావతి’ చిత్రంపై రాజస్థాన్‌, మధ్యప్రదేశ్‌ రాష్ట్రాల్లో నిషేధం విధించారు.
ఈ సినిమాపై రాజ్ పుత్ ల నిరసన జ్వాలలు చల్లారడం లేదు. ఈ సినిమా టైటిల్‌ పాత్రలో నటించిన దీపిక పదుకొణె తల నరికి తెస్తే రూ.5కోట్లు రివార్డు ఇస్తామంటూ కొందరు ప్రకటిస్తు భయామంధోళనకు గురి చేస్తున్నారు. ఈ వివాదాలు అన్నిటికీ కారణం.. ఈ సినిమాలో పద్మావతి చరిత్రను వక్రీకరించి చూపిస్తున్నారని రాజ్ పుత్ ల ప్రధాన ఆరోపణ. ఇది కేవలం ఆరోపణ మాత్రమే. ఈ ఒక్క ఆరోపణకే ఈ సినిమా వస్తున్న నిరసనలపై ప్రభుత్వం వ్యహరిస్తున్న తీరు అక్షేపనీయంగా వుంది.
”మేము చరిత్రను వక్రీకరించలేదు. ఇందులో ఏదైనా తప్పు వుంటే ప్రభుత్వం ఏర్పాటు చేసిన సెన్సార్ చూసుకుంటుందని” చిత్ర యూనిట్ ఎంత చెబుతున్నా వినడం లేదు. అసలు ఈ సినిమాని ఇప్పటివరకూ ఎవరూ చూడలేదు. సినిమాలో ఏమైనా అభ్యంతరకర సన్నివేశాలు వుంటే.. ప్రభుత్వం నియమించిన సెన్సార్ అడ్డుగా ఉటుంది. కానీ ఇవ్వన్నీ పక్కన పెట్టి ఈ సినిమాపై వస్తున్న నిరసనలు చూస్తుంటే షాకింగ్ వుంది.
మహిళా సాధికారత గురించి మాట్లాడుతూతున్న మోడీ సర్కార్.. ఒక ఆడ కూతురు తల నరికేయాలనే ప్రకటనలు ఎందుకు ఊపేక్షిస్తుందో అర్ధం కావడం లేదు. నిజంగా ఇది చాలా అందోళనకరమైన పరిస్థితి. ఈ విషయంలో ఇప్పటికే సినిమా యూనిట్ కేంద్ర ప్రభుత్వంని గోడును వినిపించింది. అయినప్పటికీ ప్రభుత్వం నుండి ఎలాంటి ప్రకటన రాలేదు. సినిమాలను నియత్రించడానికి సెన్సార్ అనే ఒక వ్యవస్థ ప్రభుత్వం ఏర్పాటు చేసింది, ఏదైనా అభ్యంతరం వుంటే వాళ్ళు చూసుకుంటారు అని ప్రభుత్వం తరపునుండి ఎవరూ ఒక మాట కూడా చెప్పడం లేదు. దిని అర్ధం ప్రభుత్వ వ్యవస్థలపై ప్రభుత్వనికే నమ్మకం లేదనా? లేదా సినిమా వాళ్ళ ఆవేదన ప్రభుత్వానికి అర్ధం కావడం లేదా? ఏమో.. ప్రభుత్వం తీరు చూస్తుంటే అలానే వుంది.
