వ్య‌భిచారం కేసులో చిక్కుకున్న జ‌బ‌ర్‌ద‌స్త్ క‌మెడియ‌న్లు దొర‌బాబు, ప‌ర‌దేశీల‌కు మ‌రో గ‌ట్టి ఎదురు దెబ్బ త‌గిలింది. జ‌బ‌ర్‌ద‌స్త్ షో నుంచి వీరిద్ద‌రినీ తొలిగిస్తూ… మ‌ల్లెమాల టీమ్ నిర్ణ‌యం తీసుకుంది. దొర‌బాబు… హైప‌ర్ ఆది టీమ్ లో కీల‌క‌మైన స‌భ్యుడు. ఇది వ‌ర‌కు త‌ను కొన్ని ఎక్స్ వీడియోల్లో న‌టించాడు. వాటిపై హైప‌ర్ ఆది ఎప్ప‌టిక‌ప్పుడు సెటైర్లు వేస్తుండేవాడు. అయితే అనూహ్యంగా దొర‌బాబు ఓ రైడ్‌లో పోలీసుల‌కు రెడ్ హ్యాండెడ్‌గా దొరికిపోయి, బుక్క‌యిపోయాడు. ఈ రైడింగ్‌లో దొరికిన మ‌రో హాస్య న‌టుడు ప‌ర‌దేశీ ని కూడా దొర‌బాబునే టీమ్ లోకి తీసుకొచ్చాడు. వీరిద్ద‌రికీ బంధుత్వం ఉంది.
ఇది వ‌ర‌కు ధ‌నాధ‌న్ ధ‌న్‌రాజ్ ఓ మ‌సాజ్ పార్ల‌ర్‌లో దొరికిపోయాడు. అప్పుడు జ‌బ‌ర్‌ద‌స్త్ టీమ్…. ఆ విష‌యాన్ని లైట్ గా తీసుకుంది. కాక‌పోతే ఈసారి మాత్రం దొర‌బాబు విష‌యంలో సీరియ‌స్ యాక్ష‌న్ తీసుకోక త‌ప్ప‌లేదు. ఇలాంటి అసాంఘిక కార్య‌క్ర‌మాల్ని ప్రోత్స‌హిస్తున్న‌వాళ్లు టీమ్ లో ఉంటే, అది షోకే అవ‌మానం అని మ‌ల్లెమాల టీమ్ భావించింది. అందుకే ఈ నిర్ణ‌యం తీసుకుంది. జ‌బ‌ర్‌ద‌స్త్ టీమ్ నుంచి కొంత‌మంది స‌భ్యులు `అదిరింది`కి షిఫ్ట్ అవుతున్నారు. ఈ నేప‌థ్యంలో దొర‌బాబుని నాగ‌బాబు ఆదుకుంటాడేమో చూడాలి.
