సోషల్ మీడియా మీమ్స్, వైరల్ కంటెంట్ సినిమాల్లోకి వెళుతున్నాయి. డైలాగులే కాదు..పాటల్లో కూడా ఈ వాడకం వుంది. గుంటూరు కారంలోని కుర్చీ మడత పాట సోషల్ మీడియా వైరల్ వీడియోనే. ఇప్పుడు పూరి జగన్నాథ్, రామ్ ల డబుల్ ఇస్మార్ట్ వంతువచ్చింది. ఇప్పటికే ఈ సినిమాలో స్టెప్పా మార్ పాట మాస్ ని ఆకర్షించింది. ఇప్పుడు మరో పాట మార్ ముంత చోడ్ చింత ని రిలీజ్ చేశారు.
ఈ పాట కూడా దేశీ మాస్ సాంగే. మాస్ ని ఆకట్టుకునేలా స్వరపరిచారు మణిశర్మ. తెలంగాణ యాసలో పాటని రాశారు కాసర్ల శ్యామ్. లిరిక్స్ క్యాచిగా వున్నాయి. పాట మధ్యలో తెలంగాణ మాజీ సీఎం కేసీఆర్ వైరల్ డైలాగ్ ‘ఏం చేద్దామంటావ్ మరి’ని వాడారు. ప్లేస్మెంట్ బాగానే కుదిరింది. ఈ పాటకు రామ్ వేసిన డ్యాన్స్ మూమెంట్స్ కూడా ఎనర్జిటిక్ గా వున్నాయి. మొత్తానికి మాస్ ని ద్రుష్టిలో పెట్టుకునే సినిమాని డిజైన్ చేశారని ఈ పాట చూస్తే స్పష్టమౌతోంది. ఆగస్ట్ 15న సినిమా ప్రేక్షకుల ముందుకు వస్తోంది.
