పూరి జగన్నాథ్, రామ్ కలయికలో వచ్చిన మాస్ మూవీ ఇస్మార్ట్ శంకర్. ఈ సినిమాతోనే హీరోయిన్ నభా నటేష్ తెలుగులో మంచి క్రేజ్ తెచ్చుకుంది. ఇప్పుడు ఈ సినిమాకి సీక్వెల్ గా డబుల్ ఇస్మార్ట్ వస్తోంది. ఇందులో కావ్య థాపర్ హీరోయిన్. మరో హీరోయిన్ పేరు ఇప్పటివరకూ మేకర్స్ ప్రకటించలేదు. అయితే ఇందులో నభా కూడా కనిపించే అవకాశం వుంది.

నిజానికి ఇస్మార్ట్ శంకర్ లో నభా పాత్రకి ఎండ్ కార్డ్ పడిపోతుంది. కానీ పూరి ఆలోచనలన్నీ చాలా కమర్షియల్ గా వుంటాయి. ఇప్పుడు డబుల్ ఇస్మార్ట్ లో నభా పాత్ర సర్ప్రైజింగ్ ఎంట్రీ ఇచ్చే ఛాన్స్ వుందని నభా మాటల్లోనే అర్ధమౌతుంది. ‘డబుల్ ఇస్మార్ట్ లో నేను కనిపిస్తానా లేదా అనేది ఇప్పుడు చెప్పను. అది బిగ్ స్క్రీన్ పైనే చూడాలి’ అని అంటోంది నభా. ఈ మాటలు బట్టి చూస్తుంటే ఖచ్చితంగా ఇందులో నభా ఎంట్రీ వుందని చెప్పొచ్చు. ఇకపొతే, నభా హీరోయిన్ గా నటించిన డార్లింగ్ ఈ నెల 19న ప్రేక్షకుల ముందుకు వస్తోంది.