బంజారాహిల్స్‌లోని రాడిసన్‌ బ్లూ ప్లాజా హోటల్‌లోని ఫుడింగ్‌ అండ్‌ మింక్‌ పబ్‌లో డ్రగ్స్ బయటపడటం ఇప్పుడు అంతటా హాట్‌ టాపిక్‌గా మారింది. ఆదివారం రాత్రి డెకాయ్‌ ఆపరేషన్‌ నిర్వహించిన టాస్క్‌ఫోర్స్‌ పోలీసులు ఆసమయంలో పబ్‌లో ఉన్న నిహారిక, రాహుల్‌ సిప్లిగంజ్‌తోపాటు పలువురని అదుపులోకి తీసుకున్నారని వార్తలు వస్తున్నాయి. ఈ నేపథ్యంలోనే ఈ కేసుతో నిహారికకు సంబంధం లేదని నాగబాబు క్లారిటీ ఇస్తూ ఓ వీడియో విడుదల చేశారు. రా”డిసన్‌ బ్లూ క్లబ్ పై పోలీసులు రైడ్ చేశారు. అప్పుడు నిహారిక అక్కడే వుంది. అయితే నిహారికకు డ్రగ్స్ తో సంబంధం లేదని పోలీసులే స్వయంగా చెప్పారు. మీడియా, సోషల్ మీడియాలో వస్తున్న దుస్ప్రచారాలు తావు ఇవ్వకూడదని ఈ వివరణ ఇస్తున్నాను” అని వెల్లడించారు నాగబాబు.
అదలావుంటే ఈ కేసుతో సంబంధం లేకపోయినప్పటికీ తన పేరుని పలు ఛానళ్లల్లో ప్రసారం చేస్తున్నారని నటి హేమ ఆవేదన వ్యక్తం చేశారు. తన గురించి అవాస్తవాలు ప్రసారం చేస్తోన్న సదరు మీడియా సంస్థలపై పోలీసులకు ఫిర్యాదు చేయడానికి ఆమె బంజారాహిల్స్‌ పోలీస్‌ స్టేషన్‌కు వచ్చి ఫిర్యాదు చేశారు. ‘‘నేను అసలు పబ్‌కే వెళ్లలేదు. డ్రగ్స్ కేసు అనేది చిన్న విషయం కాదు. ఈ కేసుతో నాకు ఎలాంటి సంబంధం లేకపోయినప్పటికీ కొందరు కావాలనే నా పేరుని ప్రసారం చేస్తున్నారు” అని ఆవేదన వ్యక్తం చేశారు.
