చిరంజీవి 150వ సినిమా ఖైదీ నెం.150కి సంబంధించిన స‌రికొత్త అప్ డేట్ ఇది. ఈ సినిమాలో రామ్ చ‌ర‌ణ్ ఓ పాట‌లో చిరుతో స్టెప్పులు వేసిన సంగ‌తి తెలిసిందే. చ‌ర‌ణ్ త‌ప్ప మెగా ఫ్యామిలీలోని మ‌రో హీరోకి ఈ సినిమాలో క‌నిపించే అవ‌కాశం రాలేదు. అయితే.. ఇప్పుడు ఆ అరుదైన ఘ‌న‌త‌ని దేవిశ్రీ ప్ర‌సాద్ అందుకొన్నాడు. ఇటీవ‌ల విడుద‌ల చేసిన అమ్మ‌డు – లెట్స్ డూ కుమ్ముడు పాట‌లో చిన్న బిట్‌లో దేవిశ్రీ కూడా క‌నిపించ‌నున్నాడు. అప్పుడ‌ప్పుడూ తాను మ్యూజిక్ అందించిన సినిమాల్లో త‌ళుక్కు మెర‌వ‌డం దేవికి అల‌వాటు. అత్తారింటికి దారేదిలో ఇలానే ఓ పాటంతా క‌నిపించాడు. ఖైదీలో మాత్రం చిరుతో క‌ల‌సి 10 సెక‌న్ల పాటు స్టెప్పువేస్తాడ‌ట. అమ్ముడు లెట్స్ డూ కుమ్ముడు పాట‌లో ‘త‌మ్మ‌డూ లెట్స్ డూ కుమ్ముడూ’ అనే ఓ లైన్ ఉంది. ఆ స‌మ‌యంలోనే చిరుతో దేవిశ్రీ జాయిన్ అవుతాడ‌ని స‌మాచారం.
ట్యూన్ పరంగా పాత వాస‌నే కొడుతున్నా.. టేకింగ్ పరంగా అయినా కొత్త‌గా చూపించాల‌ని చిత్ర‌బృందం త‌హ‌త‌హ‌లాడిన‌ట్టు కనిపిస్తోంది. చిరు స్టెప్పులు, కాజ‌ల్ గ్లామ‌ర్‌, ర‌త్న‌వేలు టేకింగ్.. వీట‌న్నింటితో పాటు దేవిశ్రీ స్పెష‌ల్ ఎప్పీరియ‌న్స్ ఈ పాట‌కు కొత్త హంగులు తీసుకొస్తాయేమో చూడాలి. అన్న‌ట్టు యూ ట్యూబ్‌లో ఈ పాట రికార్డులు సృష్టిస్తోంది. ఇప్ప‌టికే నాలుగు మిలియ‌న్ వ్యూస్ దాటి 50 ల‌క్ష‌ల‌కు చేరువ అవుతోంది.
