తన సంగీతంతో హుశారెత్తే పాటలందిస్తూ సినిమా హిట్ కు సగం కారణమయ్యే దేవి శ్రీ ప్రసాద్, ఓ సినిమాకు సైన్ చేశాడంటే ఆ సినిమా సగం హిట్ అన్నట్టే. స్టార్ హీరో కుర్ర హీరో సినిమానా అనేది మ్యాటర్ కాదు దేవి మ్యూజిక్ అంటే మ్యాజిక్ జరిగినట్టే. సినిమా సినిమాకు దేవి ఇస్తున్న అద్భుతమైన సంగీతంతో సంగీత ప్రియులు ఫుల్ గా ఎంజాయ్ చేస్తున్నారు. అందుకే స్టార్ హీరోలందరు దేవి కే మొదట ప్రిఫరెన్స్ ఇస్తారు.
అయితే ప్రస్తుతం రెండు భారీ ప్రాజెక్ట్స్ కు దేవి తన సంగీతాన్ని అందిస్తున్నట్టు తెలుస్తుంది. అందులో ఒకటి బాలయ్య వందో సినిమా శాతవాహణ రాజు గౌతమి పుత్ర శాతకర్ణి కాగా మరోకటి చిరంజీవి 150వ సినిమా. క్రిష్, బాలకృష్ణ కాంబినేషన్ లో వస్తున్న సినిమాకు దేవి ఓకే అయినట్టే అట. ఇక మెగాస్టార్ సినిమాకు కూడా దేవినే తీసుకోబోతున్నారని సమాచారం. దీనికి సర్దార్ ఆడియోలో చిరు దేవితో మాట్లాడిన మాటలే సాక్ష్యం. సో ఒక స్టార్ హీరో వందో సినిమాకు మరో క్రేజీ హీరో 150వ సినిమాకు మ్యూజిక్ అందిస్తున్న దేవి శ్రీ ప్రసాద్ రెండిటితో మరింత క్రేజ్ సంపాధించడం ఖాయం. అంతేకాదు దేవి మ్యూజిక్ తో ఆ ప్రాజెక్ట్స్ కూడా మరింత ఊపు వచ్చింది. మరి దేవి ఎలా వాళ్ళిద్దరిని సాటిస్ఫై చేస్తాడో చూడాలి.
